မြစ်ကြီးနားခရိုင်: တည်းဖြတ်မှု မူကွဲများ

နာမည်ကျော် [[ကျောက်စိမ်း]]နှင့် [[ပယင်း]]ရတနာများ ထွက်ရာ ဒေသဖြစ်သော '''မြစ်ကြီးနားခရိုင်'''သည် မြန်မာနိုင်ငံ၏ မြောက်ဖက်မြောက်ဘက် အစွန်ဆုံးခရိုင်ဖြစ်၍ [[ကချင်ပြည်နယ်]]တွင်ပါဝင်လျက် အကျယ်အဝန်းမှာ ၁၉,၇၆၂ စတုရန်းမိုင် ဖြစ်သည်။ ခရိုင်၏နယ်နိမိတ်မှာ မြောက်ဘက်နှင့် အရှေ့ဘက်တို့တွင် [[တရုတ်နိုင်ငံ]]၊ အနောက်ဘက်တွင် [[အိန္ဒိယနိုင်ငံ]]နှင့် နာဂတောင်တန်းခရိုင်နှင့် တောင်ဘက်တွင် [[ဗန်းမော်ခရိုင်]]တို့ ဝန်းရံ တည်ရှိသည်။ ခရိုင်၏ မြောက်ဘက်အစွန် ဒေသမှာ [[ဧရာဝတီမြစ်]]နှင့် [[ချင်းတွင်းမြစ်]]တို့ မြစ်ဖျားခံရာဒေသ ဖြစ်သည်။ အရှေ့ဘက်ပိုင်းတွင် ဧရာဝတီမြစ် ဖြစ်ပေါ်စေသည့် [[မေခမြစ်]]နှင့် [[မလိခမြစ်]]တို့သည်လည်းကောင်း၊ အနောက်ဘက်တွင် ချင်းတွင်းမြစ်နှင့် ယင်း၏ လက်တက်ဖြစ်သော ဥရုချောင်းတို့သည်လည်းကောင်း၊ မြောက်ဘက်မှ တောင်ဘက်သို့ စီးဆင်းလာကြသည်။ နမ့်တပက် ချောင်းသည် အရှေ့ဘက်တွင် မြစ်ဖျားခံ၍ လည်းကောင်း၊ မိုးကောင်းချောင်းနှင့် ကောက်ကွေ့ချောင်းတို့သည် အနောက်ဘက်တွင် မြစ်ဖျားခံ၍လည်းကောင်း၊ ဧရာဝတီမြစ်အတွင်း စီးဝင်ကြသည်။ ထိုသို့ မြစ်ချောင်းများ ဖြတ်သန်းစီးဆင်းရာ တလျှောက်တို့မှလွဲ၍ မြစ်ကြီးနား ခရိုင်သည် တောင်ထွတ်တောင်ကမ်းပါးကြီးများ၊ လျှိုကြီး မြောင်ကြီးများဖြင့် ပြည့်နှက်နေသည်။