အလင်းအလျင်
အလင်း၏အမြန်နှုန်း ဆိုသည်မှာ ရူပဗေဒတွင်လောကလုံးဆိုင်ရာ (universal) ပုံသေကိန်းပမာဏ ဖြစ်သည်။ ယင်း၏ တန်ဖိုးအတိအကျမှာ တစ်စက္ကန့်လျင် ၂၉၉, ၇၉၂, ၄၅၈ မီတာနှုန်းဖြစ်သည်။ မိုင်အားဖြင့်ဆိုသော် ၁၈၆, ၂၈၂ မိုင်ခန့်ရှိသည်။ သင်္ကေတ c ဖြင့် ဖော်ပြသည်။ အထူးနှိုင်းရသီအိုရီအရ c သည် စကြဝဠာထဲမှ အရာခပ်သိမ်း သတင်းအချက်အလက်မှန်သမျှ အမြင့်ဆုံးအမြန်နှုန်းဖြင့် ခရီးသွားနိုင်သော အမြန်နှုန်းဖြစ်သည်။ c သည် ရင်းမြစ်၏ရွေ့လျားမှုအား မူတည်ခြင်းမရှိဘဲ ပကတိကိန်းသေနှုန်းဖြင့်သာ ရွေ့လျားသည်။ ဥပမာဆိုရသော် နေမှ ကမ္ဘာမြေသို့ ခရီးသွားနေသည့် အလင်းတစ်ခုသည် c တန်ဖိုးဖြင့် (တစ်စက္ကန့်လျင် မိုင်ပေါင်း ၁၈၆ဝဝဝ) ခရီးသွားသည်ဟုဆိုပါစို့။ ကမ္ဘာနှင့်နေကြားမှ အာကာသယာဉ်တစ်စင်းသည် နေဆီသို့ အင်မတန်မြန်သော အမြန်နှုန်းဖြင့် မောင်းနှင်သွားသည်ဟု ထပ်မံတွေးအုံးအံ့။ ကမ္ဘာမြေမှနေ၍ အလင်းအလျင်အား တိုင်းတာလျင် c တန်ဖိုးကို ရမည်ဖြစ်ပြီး အာကာသယာဉ်ပေါ်မှ အလင်းအလျင်အား တိုင်းတာလျင်လည်း ယင်း c တန်ဖိုးကိုသာ မပြောင်းလဲဘဲ တွေ့ရှိရမည်ဖြစ်သည်။ ထို့ကြောင့် အလင်းသည် တူရုပြုရာနေရာနှင့်မသက်ဆိုင်ဘဲ ပကတိအလျင်နှုန်းဖြင့်သာ မူသေရွေ့လျားသည်။ သို့သော်လည်း အလင်းဖြတ်သန်းသွားသည့် ကြားခံနယ်မှာ လေဟာနယ်ဟု သတ်မှတ်သည်။ ဆိုရသော် အလင်းသည် ဖန်၊ လေထု အစရှိသော ကြားခံနယ်များအား ဖြတ်သန်းပါက မူလ c တန်ဖိုးထက် အနည်းငယ်လျော့နည်းသည်။ ၁၉၇၅ ခုနှစ်တွင် အလင်းအလျင်သည် ၁ စက္ကန့်လျင် ၂၉၉ ၇၉၂ ၄၅၈ မီတာဖြစ်ပြီး ၁၉၈၃ ခုနှစ်တွင် နိုင်ငံတကာ ယူနစ်အဖွဲ့အစည်းမှ အလင်းအလျင်အား လေဟာနယ်တွင်ဆိုပါက ၁ စက္ကန့်၏ ၂၉၉ ၇၉၂ ၄၅၈ ပုံ ၁ ပုံ (၁/၂၉၉ ၇၉၂ ၄၅၈) ရှိသည်ဟု သတ်မှတ်ပေးခဲ့သည်။[၂]
 နေရောင်ခြည်သည် နေမှ ကမ္ဘာသို့ ၈ မိနစ် ၁၇ စက္ကန့်ခန့် ခရီးသွားရသည် | |
| တန်ဖိုးအတိအကျ | |
|---|---|
| တစ်စက္ကန့်လျင် မီတာနှုန်း | 299792458 |
| ပလန့်အချိန်နှုန်းအတိုင်း ပလန့်အကွာအဝေး (i.e., Planck units) | ၁ |
| အနီးဆုံး တန်ဖိုး (ဒသမတန်ဖိုး ၃ နေရာထိ) | |
| တစ်နာရီလျင် ကီလိုမီတာနှုန်း | 1080 မီလီယံ (၁.၀၈×၁၀၉) |
| တစ်စက္ကန့်လျင်မိုင်နှုန်း | 186000 |
| တစ်နာရီလျင်မိုင်နှုန်း | ၆၇၁ မီလီယံ (၆.၇၁×၁၀၈) |
| တစ်ရက်လျင် AU နှုန်း | ၁၇၃[၁] |
| အလင်းဖြတ်သန်းရသည့် ကြာမြင့်ချိန် | |
| အကွာအဝေး | အချိန် |
| ၁ ပေ | ၁.ဝ နာနိုစက္ကန့် |
| ၁ မီတာ | ၃.၃ နာနိုစက္ကန့် |
| ဂြိုဟ်ပတ်လမ်းမှ ကမ္ဘာမြေသို့ | ၁၁၉ မီလီစက္ကန့် |
| ကမ္ဘာ၏ အီကွေတာအရှည် | ၁၃၄ မီလီစက္ကန့် |
| လကမ္ဘာ မှ ကမ္ဘာမြေသို့ | ၁.၃ စက္ကန့် |
| နေ မှ ကမ္ဘာသို့ (၁ AU) | ၈.၃ မိနစ် |
| ၁ အလင်းနှစ် | ၁.ဝ နှစ် |
| ၁ parsec | ၃.၂၆ နှစ် |
| အနီးဆုံးကြယ်မှ နေသို့ (၁.၃ pc) | ၄.၂ နှစ် |
| အနီးဆုံးဂလက်ဆီမှ ကမ္ဘာသို့ | ၂၅ဝဝဝ နှစ် |
| နဂါးငွေ့တန်းကိုဖြတ်ကာ | ၁ဝ,ဝဝဝဝ နှစ် |
| အင်ဒရိုမီဒါမှ ကမ္ဘာသို့ | ၂.၅ မီလီယံနှစ် |
| ကမ္ဘာမှ လေ့လာနိုင်သော စကြဝဠာအနားစွန်းသို့ | ၄၆.၅ ဘီလီယံနှစ် |
ကိုးကား
ပြင်ဆင်ရန်- ↑ အတိအကျ:
(299792458 × 60 × 60 × 24 / 149597870700) AU/day - ↑ Penrose၊ R (2004)။ The Road to Reality: A Complete Guide to the Laws of the Universe။ Vintage Books။ pp. 410–1။ ISBN 978-0-679-77631-4။
... the most accurate standard for the metre is conveniently defined so that there are exactly 299,792,458 of them to the distance travelled by light in a standard second, giving a value for the metre that very accurately matches the now inadequately precise standard metre rule in Paris.