အောင်ပြည့်စုံ
အောင်ပြည့်စုံ (၁၉၈၄ မွေးဖွား) သည် မြန်မာနိုင်ငံသား စီးပွားရေးလုပ်ငန်းရှင်ဖြစ်ပြီး လုပ်ငန်းကြီးများဖြစ်သော စကိုင်းဝမ်းဆောက်လုပ်ရေးနှင့် အောင်မြင့်မိုရ်မင်းအာမခံလုပ်ငန်းတို့ကို ပိုင်ဆိုင်သည်။[၁] တယ်လီကွန်းဝန်ဆာင်မှုလုပ်ငန်း မိုင်တဲတွင်လည်း တစ်ဦးချင်းအနေဖြင့် အများဆုံးရှယ်ယာရှင်ဖြစ်ကြောင်း သိရသည်။[၁] မြန်မာနိုင်ငံ၏ အာဏာသိမ်းစစ်ခေါင်းဆောင် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၏သား ဖြစ်သောကြောင့် လူမုန်းများသည်။
| အောင်ပြည့်စုံ | |
|---|---|
| မွေးဖွား | ၁၉၈၄ (အသက် ၃၉–၄၀) မြန်မာနိုင်ငံ၊ ရန်ကုန်မြို့ |
| နိုင်ငံလူမျိုး | မြန်မာ |
| အခြား အမည်များ | ဖိုးသား |
| မိခင်ကျောင်း | ရန်ကုန်ကွန်ပျူတာတက္ကသိုလ် |
| အလုပ်အကိုင် | စီးပွားရေးလုပ်ငန်းရှင် |
| အိမ်ထောင်ဖက်(များ) | မျိုးရတနာထိုက် (m. ၂၀၁၂) |
| သားသမီး | ခင်ငြိမ်းချမ်းပြည့်စုံလှိုင် ခင်ဘုန်းမြတ်ပြည့်စုံလှိုင် |
| မိဘ(များ) | မင်းအောင်လှိုင် ကြူကြူလှ |
| ဆွေမျိုးသားချင်း | ခင်သီရိသက်မွန် |
၎င်း၏ဖခင် တပ်မတော်ကာကွယ်ရေးဦးစီးချုပ်ဖြစ်လာသည့်ကာလ သမ္မတ ဦးသိန်းစိန်လက်ထက်၌ ဈေးကွက်အောက် အလွန်နည်းသော ပမာဏဖြင့် ရန်ကုန်ပြည်သူ့ဥယျာဉ်အတွင်းရှိ တန်ကြေးမြင့်စားသောက်ဆိုင်နှင့် ပန်းချီပြခန်းကို နှစ် ၃၀ ငှားခွင့် ရသည်။[၂] ပို့ခွန်သွင်းခွန်ကင်းလွတ်ခွင့်နှင့် အစားအသောက်နှင့်ဆေးဝါးကြီးကြပ်ရေး၌ အလိုအလျောက်ခွင့်ပြုမိန့်ရသော အေအန္နံမဟာ (A&M Mahar) ပို့ကုန်သွင်းကုန်လုပ်ငန်းကိုလည်း လုပ်ကိုင်နေသည်။[၃][၄] မြန်မာနိုင်ငံ၏ အခွန်ဦးစီးဌာနကို ခေါင်းဆောင်သူမှာ မြန်မာ့စီးပွားရေးဦးပိုင်လီမိတက်၏ ဒါရိုက်တာဟောင်း ကျော်ထင်ဖြစ်သည်။[၄]
ရန်ကုန်မြို့တော် စည်ပင်သာယာရေး ကော်မတီထံမှလည်း ထင်မထားနိုင်လောက်အောင်နည်းသော ငွေပမာဏဖြင့် အရက်ရောင်းချခွင့် ရခဲ့သည်။ ကန်သာယာဆေးရုံ၏ ရှယ်ယာရှင်ဖြစ်ပြီး ချောင်းသာ၊ ပုဂံ၊ မန္တလေး၊ အင်းလေး စသော ပြည်ပခရီးသွားများကျက်စားရာတို့၌ ဖွင့်ထားသော အဇူရဟိုတယ်တွဲကြီးကိုလည်း အခြားစီးပွားရေးလုပ်ငန်းရှင်တဦးနှင့်အတူ ပူးတွဲပိုင်ဆိုင်သည်။ ချောင်းသာ၌ အဇူရကမ်းခြေအပန်းဖြေစခန်းသည် အကြီးဆုံးဖြစ်သည်။[၅][၆][၇]
မိသားစုဘဝ
ပြင်ဆင်ရန်စတယ်လာ(၇) လုပ်ငန်းနှင့်၊ ချမ်းငြိမ်းပြည့်စုံထုတ်လုပ်ရေးလုပ်ငန်း ပိုင်ရှင်ဖြစ်လာမည့် မျိုးရတနာထိုက်နှင့်လက်ထပ်ရာ ခင်ငြိမ်းချမ်းပြည့်စုံလှိုင်၊ ခင်ဘုန်းမြတ်ပြည့်စုံလှိုင်ဟူသော သမီး ၂ ယောက်ရှိသည်။
နိုင်ငံတကာပိတ်ဆို့မှုများ
ပြင်ဆင်ရန်၂၀၁၉ ခု၌ ကုလသမဂ္ဂအချက်အလက်ရှာဖွေရေးအဖွဲ့က အောင်ပြည့်စုံပိုင်သောလုပ်ငန်းများကို အရေးယူရန် တောင်းဆိုဖူးသည်။[၁]
၂၀၂၁ ခု၊ မတ်လ ၁၀ ရက်နေ့တွင် အမေရိကန်အစိုးရက အောင်ပြည့်စုံနှင့် ညီမ ခင်သီရိသက်မွန်ကို စီးပွားရေးပိတ်ဆို့ရန် သတ်မှတ်ခဲ့သည်။[၈][၉][၁၀][၁၁]
ကိုးကား
ပြင်ဆင်ရန်- ↑ ၁.၀ ၁.၁ ၁.၂ တပ်ချုပ်သားပိုင်ကုမ္ပဏီများကို အရေးယူရန် ကုလအချက်အလက်ရှာဖွေရေးအဖွဲ့ တောင်းဆို (in my)။ 1 February 2021 တွင် မူရင်းအား မော်ကွန်းတင်ပြီး။ 11 January 2021 တွင် ပြန်စစ်ပြီး။
- ↑ Military Chief's Son Paid 'Very Low' Rent for His Upscale Restaurant on Government-Owned Land (in en)။ 17 July 2020 တွင် မူရင်းအား မော်ကွန်းတင်ပြီး။ 11 January 2021 တွင် ပြန်စစ်ပြီး။
- ↑ "ဗိုလ်ချုပ်မှူးကြီးသား ဦးအောင်ပြည့်စုံ ဒါရိုက်တာအဖြစ် ပါဝင်သော A & M Mahar ကုမ္ပဏီလုပ်ငန်းများ အကျိုး စီးပွားပဋိပက္ခရှိနိုင်ဟု ဝေဖန်ခံရ" (in my)၊ Khitthit Media၊ 14 August 2020။ 13 June 2021 တွင် ပြန်စစ်ပြီး။ Archived from the original on 20 February 2021။
- ↑ ၄.၀ ၄.၁ Dirty Secrets #2: Sr. Gen. Min Aung Hlaing's family profiting off of FDA and Customs clearances။ 26 October 2020 တွင် မူရင်းအား မော်ကွန်းတင်ပြီး။ 11 January 2021 တွင် ပြန်စစ်ပြီး။
- ↑ Who profits from a coup? The power and greed of Senior General Min Aung Hlaing။
- ↑ "ပြည်သူ့ဥယျာဉ်အတွင်း တပ်ချုပ်သား လုပ်ကိုင်ခွင့်ရရှိထားသော လုပ်ငန်းများ" (in my)၊ Myanmar NOW၊ 18 July 2019။
- ↑ "Coup regime’s minister visits hotel owned by military chief’s son to mark ‘resumption’ of tourism in Myanmar" (in en)၊ Myanmar NOW၊ 23 March 2021။
- ↑ "U.S. imposes sanctions on children of Myanmar military leader, companies" (in en)၊ Reuters၊ 10 March 2021။
- ↑ "US sanctions 2 adult children of Myanmar junta leader"၊ www.aa.com.tr၊ 11 March 2021။
- ↑ "US Slaps Sanctions on Adult Children of Myanmar Military Leader" (in en)၊ VOA၊ 10 March 2022။
- ↑ United States Targets Family Members Profiting from Connection to Burmese Coup Leader (11 March 2021)။