ကချင်ဒီမိုကရက်တစ်ပါတီ

ကချင်ဒီမိုကရက်တစ်ပါတီ (မြန်မာ: Kachin Democratic Party; အတိုကောက် KDP) သည် မြန်မာနိုင်ငံရှိ နိုင်ငံရေးပါတီ တစ်ခုဖြစ်သည်။ ၂၀၁၃ တွင် ပါတီမှတ်ပုံတင်ခဲ့ပြီး ၂၀၁၄ ဇန်နဝါရီ၌ ပါတီတည်ထောင်ခွင့်မှတ်ပုံတင်ရရှိသည်။ ပါတီဝင်အရေအတွက်မှာ ၁,၀၀၀ ခန့်ရှိပြီး ၂၀၁၅ ရွေးကောက်ပွဲတွင် မြစ်ကြီးနား၊ ဗန်းမော်၊ ဆွမ်ပရာဘွမ်၊ ပူတာအို၊ ဝိုင်းမော် စသည့် ကချင်ပြည်နယ်ရှိ မြို့နယ် ၁၃ မြို့နယ် မဲဆန္ဒနယ်များတွင် ဝင်ရောက် ယှဉ်ပြိုင်ခဲ့သည်။

ကချင်ဒီမိုကရက်တစ်ပါတီ
အင်္ဂလိပ် အမည်	Kachin Democratic Party
နာယက	ဦးဂွမ်ဂေါင်အောင်ခမ်း
ဆောင်ပုဒ်	လွတ်လပ်မှုရရှိစေဖို့ KDP ကို မဲပေးစို့
တည်ထောင်ခြင်း	ဇန်နဝါရီ ၁၃၊ ၂၀၁၄ (၂၀၁၄-၀၁-၁၃)
ဖျက်သိမ်းခြင်း	၇ ဇွန် ၂၀၁၉
ဆက်ခံ	ကချင်ပြည်နယ်ပြည်သူ့ပါတီ
ဌာနချုပ်	မြေနီကုန်း (မြောက်) ရပ်ကွက်၊ စမ်းချောင်းမြို့နယ်၊ ရန်ကုန်မြို့
အဖွဲ့ဝင်	၁,၀၀၀
နိုင်ငံရေး သဘောတရား	ဖက်ဒရယ်ပြည်ထောင်စုစနစ်
အရောင်	အပြာ၊ အစိမ်း၊ အနီ
ပါတီအလံ
မြန်မာနိုင်ငံ၏ နိုင်ငံရေး နိုင်ငံရေးပါတီများ

ဖျက်သိမ်းခြင်း

၂၀၁၉ ခုနှစ် ဇွန်လ ၇ ရက်နေ့တွင် ကချင်ပြည်နယ်ပြည်သူ့ပါတီကို စည်းလုံးညီညွတ်ရေးနှင့်ဒီမိုကရေစီပါတီ ကချင်ပြည်နယ်၊ ကချင်ဒီမိုကရက်တစ်ပါတီနှင့် ကချင်ပြည်နယ်ဒီမိုကရေစီပါတီတို့ ပူးပေါင်း၍ ပါတီတစ်ခုတည်းအဖြစ် ဖွဲ့စည်းခဲ့သည့်အတွက် ကချင်ဒီမိုကရက်တစ်ပါတီကို ပါတီမှတ်ပုံတင် ဖျက်သိမ်းခဲ့သည်။