ကြက်သန်း

ကြက်သန်း (Hen Flea)
Female Hen Flea
မျိုးရိုးခွဲခြားခြင်း
လောက:	Animalia
မျိုးပေါင်းစု:	Arthropoda
မျိုးပေါင်း:	Insecta
မျိုးစဉ်:	Siphonaptera
မျိုးရင်း:	Ceratophyllidae
မျိုးရင်းသေး:	Ceratophyllinae
မျိုးစု:	Ceratophyllus
မျိုးစိတ်:	C. gallinae
ဒွိနာမ
Ceratophyllus gallinae (Schrank, 1803)

ကြက်သန်း (Hen Flea) ဆိုသည်မှာ ကြက်၏ ကိုယ်ပေါ်၌ အမွေးအတောင်များကြား ခိုအောင်း ပေါက်ဖွား ရှင်သန်သော သန်း ဖြစ်သည်။ အိမ်ဂေဟာများတွင် တနိုင်မွေးမြူရေး ကြက်၊ ဝက်၊ ဘဲ၊ ငန်း၊ မန်ဒါလီ စသည်ဖြင့် ရှိသကဲ့သို့ မွေးမြူရေးခြံများ၌လည်း စီးပွားဖြစ် မွေးမြူတတ်ကြသည်။ ထိုအခါ ကြက်ကိုယ်မှာ တွယ်ကပ်နေသော ကြက်သန်းများကို အချို့က ခေတ်မီဆေးဝါးများဖြင့် ပက်ဖျန်းခြင်း၊ အချို့က မီးမြှိုက်ခြင်းနှင့် ထုံးပက်ခြင်းတို့ ပြု၍ ကြက်သန်းများ သေအောင် ဆောင်ရွက်သည်။ ထိုသို့ ပြုပေးရခြင်းမှာ ကြက်သန်းများ ပေါများလာပါက အနီးရှိ လူများကိုပါ တွယ်ကပ် ကိုက်တတ်သဖြင့် အနာနှင့် ယားနာများ ဖြစ်ပေါ်စေတတ်သောကြောင့် ဖြစ်သည်။