ကြည်အောင် (ဝန်ကြီး)
ဗိုလ်ချုပ် ကြည်အောင် သည် မြန်မာနိုင်ငံ ပြန်ကြားရေး ဝန်ကြီးဌာန နှင့် ယဉ်ကျေးမှု ဝန်ကြီးဌာနတို့တွင် ဝန်ကြီးအဖြစ် တာဝန်ထမ်းဆောင်ခဲ့သူ ဖြစ်သည်။ သူသည် ၂၀၀၆ ခုနှစ် မေလတွင် အငြိမ်းစားယူခဲ့သည်။
ကြည်အောင် | |
|---|---|
| ပြန်ကြားရေး ဝန်ကြီးဌာန ဝန်ကြီး | |
| တာဝန်သက်တမ်း ၁၅ နိုဝင်ဘာ ၁၉၉၇ – ၁၃ စက်တင်ဘာ ၂၀၀၂ | |
| ယခင်လူ | ဗိုလ်ချုပ် အေးကျော် |
| ဆက်ခံသူ | ဗိုလ်မှူးချုပ် ကျော်ဆန်း |
| ယဉ်ကျေးမှု ဝန်ကြီးဌာန ဝန်ကြီး | |
| တာဝန်သက်တမ်း ၁၃ စက်တင်ဘာ ၂၀၀၂ – ၁၅ မေ ၂၀၀၆ | |
| ယခင်လူ | တင်ဝင်း |
| ဆက်ခံသူ | ခင်အောင်မြင့် |
| စစ်မှုထမ်းခြင်း | |
| သစ္စာခံနိုင်ငံ | မြန်မာနိုင်ငံ |
| တပ်/တပ်ဖွဲ့ခွဲ | တပ်မတော် |
| ရာထူး | ဗိုလ်ချုပ် |
စစ်မှုထမ်းခြင်း ပြင်ဆင်ရန်
ဦးကြည်အောင်သည် ၁၉၉၅ ဇွန်လ ၁၈ ရက်မှ ၁၉၉၇ နိုဝင်ဘာ ၁၆ ရက်အထိ South Burma Sub District (SBSD) ဌာနချုပ်မှူးအဖြစ် တာဝန်ထမ်းဆောင်ခဲ့သည်။[၁]
ပြန်ကြားရေးဝန်ကြီး ပြင်ဆင်ရန်
၁၉၉၇ ခုနှစ် နိုဝင်ဘာ ၁၅ ရက်နေ့တွင် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီသည် အစိုးရအဖွဲ့၏ ဝန်ကြီးချုပ်၊ ဒုတိယဝန်ကြီးချုပ်များနှင့် ဝန်ကြီးများကို ထုတ်ပြန်ကြေညာခဲ့ရာ ဗိုလ်ချုပ်ကြည်အောင်သည် ပြန်ကြားရေးဝန်ကြီး အဖြစ် ခန့်အပ်ခြင်း ခံခဲ့ရသည်။[၂]
၁၉၉၉ ခုနှစ် စက်တင်ဘာ ၃၀ ရက်နေ့တွင် အမျိုးသားဒီမိုကရေစီအဖွဲ့ချုပ်က ဗိုလ်ချုပ် ခင်ညွန့်၊ ပြည်ထဲရေး ဝန်ကြီး ဗိုလ်မှူးကြီး တင်လှိုင်၊ ပြန်ကြားရေး ဝန်ကြီး ဗိုလ်ချုပ်ကြည်အောင်နှင့် အခြားသူများအား အာဏာအလွဲသုံးစားပြုမှုဖြင့် အမှုဖွင့် တိုင်ကြားခဲ့သည်။ တစ်လခန့်အကြာတွင် ပြည်ထောင်စု တရားလွှတ်တော်ချုပ် တရားသူကြီးချုပ်က သက်သေခံမရှိသည့်အတွက် အမှုကို ပလပ်ခဲ့သည်။[၃]
ယဉ်ကျေးမှု ဝန်ကြီး ပြင်ဆင်ရန်
၂၀၀၂ ခုနှစ် စက်တင်ဘာ ၁၃ ရက်နေ့တွင် ဗိုလ်ချုပ်ကြည်အောင်အား ယဉ်ကျေးမှု ဝန်ကြီးအဖြစ် ပြောင်းလဲခန့်ထားခဲ့သည်။ ပြန်ကြားရေးဝန်ကြီးနေရာတွင် ဗိုလ်မှူးချုပ် ကျော်ဆန်းအား ပြောင်းလဲ ခန့်အပ်ခဲ့သည်။[၄] စာရေးဆရာ၊ ကဗျာဆရာနှင့် ဂျာနယ်လစ်တစ်ဦး ဖြစ်သူ ဦးစိုးညွန့် သည် ဗိုလ်ချုပ်ကြည်အောင်လက်အောက်တွင် ယဉ်ကျေးမှု ဝန်ကြီးဌာန ဒုတိယဝန်ကြီးအဖြစ် ၂၀၀၃ ခုနှစ်အထိ တာဝန်ထမ်းဆောင်ခဲ့သည်။[၅]
ယဉ်ကျေးမှု ဝန်ကြီးအဖြစ် တာဝန်ထမ်းဆောင်နေစဉ် ကာလအတွင်း ဥရောပသမဂ္ဂကောင်စီသည် စစ်အစိုးရ အရာရှိများအား ဗီဇာနှင့် ပြည်ဝင်ခွင့်ပိတ်ပင်သည့် စာရင်းကို ၂၀၀၃ ခုနှစ် ဇွန်လတွင် ထုတ်ပြန်ခဲ့ရာ ဗိုလ်ချုပ်ကြည်အောင်နှင့် ဇနီးဖြစ်သူ ဒေါ်ခင်ခင်လေးတို့ ပါဝင်ခဲ့သည်။[၆]
၂၀၀၆ ခုနှစ် မေလတွင် ဗိုလ်ချုပ်ကြည်အောင်အား တာဝန်မှ အနားယူခွင့် ပြုခဲ့သည်။ ယဉ်ကျေးမှု ဝန်ကြီးအဖြစ် ဗိုလ်ချုပ် ခင်အောင်မြင့်ကို အစားထိုး ခန့်အပ်ခဲ့သည်။[၇] ၂၀၀၇ ခုနှစ် မေလတွင် ဗိုလ်ချုပ်ကြည်အောင်၏ ဇနီးအမည်အား ဥရောပသမဂ္ဂ၏ ပိတ်ဆို့မှုစာရင်းမှ ဖယ်ရှားခြင်း ခံခဲ့ရသည်။[၈]
ကိုးကား ပြင်ဆင်ရန်
- ↑ Maung Aung Myoe (2009)။ Building the Tatmadaw: Myanmar armed forced since 1948။ Institute of Southeast Asian Studies။ p. 222။ ISBN 981-230-848-2။
- ↑ The State Peace and Development Council Proclamation (Proclamation No. 2/97) (15 November 1997)။ 5 March 2012 တွင် မူရင်းအား မော်ကွန်းတင်ပြီး။ 2012-02-24 တွင် ပြန်စစ်ပြီး။
- ↑ HUMAN RIGHTS YEARBOOK 1999-2000: BURMA။ Human Rights Documentation Unit။ 2012-02-24 တွင် ပြန်စစ်ပြီး။
- ↑ Myanmar reshuffles cabinet။ Xinhua (2002-09-14)။ 2012-02-24 တွင် ပြန်စစ်ပြီး။
- ↑ Khine Thazin Aung (12–18 October 2009)။ Poet Htilar Sitthu dies of liver cancer, aged 78။ Myanmar Times။ 19 April 2010 တွင် မူရင်းအား မော်ကွန်းတင်ပြီး။ 2012-02-24 တွင် ပြန်စစ်ပြီး။
- ↑ COUNCIL DECISION 2003/461/CFSP။ European Union (20 June 2003)။ 29 September 2018 တွင် မူရင်းအား မော်ကွန်းတင်ပြီး။ 2012-02-23 တွင် ပြန်စစ်ပြီး။
- ↑ Aung Lwin Oo (16 May 2006)။ Burma Cabinet Reshuffle။ the Irriwaddy။ 3 March 2011 တွင် မူရင်းအား မော်ကွန်းတင်ပြီး။ 2012-02-23 တွင် ပြန်စစ်ပြီး။
- ↑ FINANCIAL SANCTIONS: BURMA/MYANMAR။ Bank of England (2 May 2007)။ 2012-02-24 တွင် ပြန်စစ်ပြီး။