ဆန်းဆင့်၊ ဦး

ဦးဆန်းဆင့် သည် မြန်မာနိုင်ငံသား နိုင်ငံရေးသမားဖြစ်ပြီး အစိုးရဝန်ကြီးဟောင်းနှင့် တပ်မတော် အရာရှိဟောင်း တစ်ဦး ဖြစ်သည်။ ၂၀၁၃ ခုနှစ် ဇန်နဝါရီတွင် သာသနာရေး ဝန်ကြီးဌာန ဝန်ကြီးအဖြစ် သမ္မတ ဦးသိန်းစိန်က ခန့်အပ်ခဲ့သည်။ ထိုအချိန်က သူသည် ဧရာဝတီတိုင်းဒေသကြီး လွှတ်တော် ဥက္ကဋ္ဌအဖြစ် တာဝန်ထမ်းဆောင်လျက်ရှိပြီး ရေကြည်မြို့နယ် လွှတ်တော်ကိုယ်စားလှယ် နှစ်ဦးအနက် တစ်ဦး ဖြစ်သည်။

ဦး ဆန်းဆင့်
သာသနာရေး ဝန်ကြီးဌာန ဝန်ကြီး
တာဝန်သက်တမ်း ၃၁ ဇန်နဝါရီ ၂၀၁၃ – ၁၉ ဇွန် ၂၀၁၄
ယခင်လူ	မြင့်မောင်
ဆက်ခံသူ	စိုးဝင်း
ဧရာဝတီတိုင်းဒေသကြီး လွှတ်တော် ဥက္ကဋ္ဌ
တာဝန်သက်တမ်း ၃၁ ဇန်နဝါရီ ၂၀၁၁ – ၃၁ ဇန်နဝါရီ ၂၀၁၃
ယခင်လူ	မရှိ
ဆက်ခံသူ	တင်စိုး
ဧရာဝတီတိုင်းဒေသကြီး လွှတ်တော် ကိုယ်စားလှယ်
တာဝန်သက်တမ်း ၃၁ ဇန်နဝါရီ ၂၀၁၁ – ၃၁ ဇန်နဝါရီ ၂၀၁၃
ယခင်လူ	အခြေခံဥပဒေ စတင်
မဲဆန္ဒနယ်	ရေကြည်မြို့နယ်
ကိုယ်ရေး အချက်အလက်များ
မွေးဖွား	၁၉၅၁&#၁၆၀;(၁၉၅၁) (အသက် ၇၃) မြန်မာနိုင်ငံ
လူမျိုး	မြန်မာ
နိုင်ငံရေးပါတီ	ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ
ကြင်ဖော်(များ)	ဒေါ်ခင်မလေး
သားသမီး	ဥက္ကာဆန်းဆင့်
မိခင်ကျောင်း	စစ်တက္ကသိုလ်
စစ်မှုထမ်းခြင်း
သစ္စာခံနိုင်ငံ	မြန်မာနိုင်ငံ
တပ်/တပ်ဖွဲ့ခွဲ	တပ်မတော်
အမှုထမ်းကာလ	- ၂၀၁၀
ရာထူး	ဗိုလ်ချုပ်

၂၀၁၀ အထွေထွေ ရွေးကောက်ပွဲတွင် ပါဝင်မယှဉ်ပြိုင်မီ ဦးဆန်းဆင့်သည် တပ်မတော်တွင် တာဝန်ထမ်းဆောင်ခဲ့သည်။ ရန်ကုန်တိုင်းစစ်ဌာနချုပ်တွင် ဒုတိုင်းမှူးနှင့် စစ်ရာထူးခန့်ချုပ် တာဝန်များကို ထမ်းဆောင်ခဲ့သည်။

အကျင့်ပျက်ခြစားမှုများ

၂၀၁၄ ခုနှစ် ဇွန်လ ၁၉ ရက်နေ့တွင် ဦးဆန်းဆင့်သည် ရန်ကုန်မြို့ မဟာသန္တိသုခ ဗုဒ္ဓသာသနာပြုကျောင်းတော်ကြီး ပိုင်ဆိုင်မှု အငြင်းပွားခြင်းအတွက် ပေါ့လျော့စွာ ကိုင်တွယ်ခြင်းကြောင့် သာသနာရေး ဝန်ကြီးအဖြစ်မှ ဖယ်ရှားခြင်း ခံခဲ့ရသည်။ ထိုနေ့မှာပင် ဦးဆန်းဆင့်အား နိုင်ငံပိုင်ငွေ အလွဲသုံးစားပြုမှုဖြင့် တရားစွဲဆိုခံရသည်။ ၂၀၁၄ ခုနှစ် ဇွန်လ ၂၅ ရက်နေ့တွင် သာသနာရေး ဝန်ကြီးဌာန ဒုတိယဝန်ကြီး စိုးဝင်းအား ဝန်ကြီးအဖြစ် အစားထိုးခန့်ထားခြင်းအား ပြည်ထောင်စုလွှတ်တော်မှ အတည်ပြုခဲ့သည်။

၂၀၁၄ ဇူလိုင်လတွင် ဒိက္ခိဏသီရိခရိုင်တရားရုံးမှ ဦးဆန်းဆင့်၏ အာမခံလျှောက်ထားမှုအား ပယ်ချခဲ့သည်။ ၂၀၁၄ ဇူလိုင် ၂၂ တွင် ဦးဆန်းဆင့်အား နိုင်ငံတော် အကြည်ညိုပျက်စေမှုဖြင့် ထပ်မံ တရားစွဲဆိုခံရသည်။ ၂၀၁၄ အောက်တိုဘာ ၁၇ တွင် ဦးဆန်းဆင့်အား ဒဏ်ငွေ ၁၀၀,၀၀၀ နှင့် ထောင်ဒဏ် ၁၃ နှစ် ချမှတ်ခဲ့သည်။ ၂၀၁၅ ခုနှစ် ဧပြီ ၆ ရက်နေ့တွင် ပြည်ထောင်စု တရားလွှတ်တော်ချုပ်သည် ဦးဆန်းဆင့်၏ အယူခံဝင်ခြင်းအား လက်ခံကြောင်း ကြေညာခဲ့သည်။

၂၀၁၄ ခုနှစ် အောက်တိုဘာ ၁၇ ရက်နေ့တွင် နိုင်ငံတော် အကြည်ညိုပျက်စေမှု၊ ယုံကြည်အပ်နှံဖောက်ဖျက်မှုများဖြင့် တောင်ငူထောင်တွင် ထောင်ဒဏ် ၁၃ နှစ် ချမှတ်ခံရပြီး ၂၀၁၇ ခုနှစ် မေလ ၂၄ ရက်နေ့တွင် ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံကို ကြိုဆိုသောအားဖြင့် နိုင်ငံတော်သမ္မတ၏ လွတ်ငြိမ်းချမ်းသာခွင့်ဖြင့် တောင်ငူ အကျဉ်းထောင်မှ လွတ်မြောက်လာခဲ့သည်။

မိသားစုဘဝ

ဦးဆန်းဆင့်အား ၁၉၅၁ ခုနှစ်တွင် မွေးဖွားခဲ့သည်။ သူသည် ဒေါ်ခင်မလေးနှင့် လက်ထပ်ခဲ့သည်။ သားဖြစ်သူ ဥက္ကာဆန်းဆင့်မှာ သံတော်ဆင့် သတင်းစာကို ပိုင်ဆိုင်သူဖြစ်သည်ဟု ဆိုသည်။