တဲရင့်စ်စမွိုင်းနီခွဲ
ဦးတဲရင့်စ်စမွိုင်းနီခွဲ (အင်္ဂလိပ်: Pu Terrance San Mawi Nikhuai) သည် ချင်းပြည်နယ် စီမံအုပ်ချုပ်ရေးကောင်စီ ဥက္ကဋ္ဌ အဖြစ် တာဝန်ထမ်းခဲ့သူ ဖြစ်သည်။[၁] တပ်မတော်မှ အာဏာသိမ်းယူပြီးနောက် နိုင်ငံတော်စီမံအုပ်ချုပ်ရေးကောင်စီကို ဖွဲ့စည်းခဲ့ပြီးနောက် ပြည်နယ်အလိုက် စီမံအုပ်ချုပ်ရေး ကောင်စီများအား ဖွဲ့စည်းရာတွင် ချင်းပြည်နယ် စီမံအုပ်ချုပ်ရေး ကောင်စီဥက္ကဋ္ဌအဖြစ် ခန့်အပ်ခြင်း ခံခဲ့ရသည်။[၁][၂]
တဲရင့်စ်စမွိုင်းနီခွဲ | |
|---|---|
| ချင်းပြည်နယ် စီမံအုပ်ချုပ်ရေးကောင်စီ ဥက္ကဋ္ဌ | |
| တာဝန်သက်တမ်း ၃ ဖေဖော်ဝါရီ ၂၀၂၁ – ၁၁ ဖေဖော်ဝါရီ ၂၀၂၁ (ကွယ်လွန်) | |
| ယခင်လူ | ရာထူးစတင် |
| ချင်းပြည်နယ် တရားလွှတ်တော်ချုပ် တရားသူကြီး | |
| ကိုယ်ရေး အချက်အလက်များ | |
| မွေးဖွား | လုမ်သဲရွာ၊ ဖလမ်းမြို့နယ်၊ ချင်းပြည်နယ် |
| ကွယ်လွန် | ဖေဖော်ဝါရီ ၁၁၊ ၂၀၂၁ ဟားခါးမြို့၊ ချင်းပြည်နယ် |
အစောပိုင်းဘဝနှင့် ပညာရေး ပြင်ဆင်ရန်
ဝဏ္ဏကျော်ထင် ဒေါက်တာနီခွဲနှင့် အင်္ဂလိပ်လူမျိုး Jasmine တို့၏ သားသမီးကိုးဦးတွင် ဦးတဲရင့်စ်စမွိုင်းနီခွဲသည် အကြီးဆုံးသားဖြစ်ပြီး[၃] ဖလမ်းမြို့နယ်၊ လုမ်သဲရွာတွင် မွေးဖွားခဲ့သည်။ [၄]ငယ်စဉ်က ဖလမ်းမြို့တွင် ပညာစတင်သင်ကြားခဲ့ပြီး မိတ္ထီလာမြို့တွင် ဆယ်တန်းအောင်မြင်ပြီးနောက် ရန်ကုန်တက္ကသိုလ်မှ ဥပဒေပညာဘွဲ့ ရရှိခဲ့သည်။ ဘွဲ့ရရှိပြီးနောက် တရားရုံးတွင် အလုပ်ဝင်ရောက်ခဲ့ပြီး ရန်ကုန်၊ မန္တလေး၊ ရှမ်းပြည်နယ်နှင့် ဖလမ်းမြို့တို့တွင် အလုပ်လုပ်ကိုင်ခဲ့သည်။[၃]
ကွယ်လွန်ခြင်း ပြင်ဆင်ရန်
ဦးတဲရင့်စ်စမွိုင်းနီခွဲသည် နေပြည်တော် အစည်းအဝေးသို့ သွားရောက်ခဲ့ပြီး ဟားခါးမြို့ ပြန်အရောက် ၂၀၂၁ ခုနှစ် ဖေဖော်ဝါရီလ ၁၁ ရက်နေ့တွင် နှလုံးရောဂါဖြင့် ကွယ်လွန်ခဲ့ခြင်းဖြစ်ကာ ကွယ်လွန်ချိန်တွင် အသက် ၆၅ နှစ်ရှိပြီ ဖြစ်သည်။[၁]
ကိုးကား ပြင်ဆင်ရန်
- ↑ ၁.၀ ၁.၁ ၁.၂ ချင်းပြည်နယ် စီမံအုပ်ချုပ်ရေး ကောင်စီဥက္ကဋ္ဌ ဦးတဲရင့်စ်စမွိုင်းနီခွဲ နှလုံးရောဂါဖြင့် ရုတ်တရက် ကွယ်လွန် (in my)။ ၁၁ ဖေဖော်ဝါရီ ၂၀၂၁ တွင် ပြန်စစ်ပြီး။
- ↑ တပ်ချုပ်ဦးဆောင်သည့် နိုင်ငံတော်စီမံအုပ်ချုပ်ရေးကောင်စီကို ယမန်နေ့တွင် ဖွဲ့စည်း (in en)။ ၁၁ ဖေဖော်ဝါရီ ၂၀၂၁ တွင် ပြန်စစ်ပြီး။[လင့်ခ်သေ]
- ↑ ၃.၀ ၃.၁ ချင်းပြည်နယ် စီမံအုပ်ချုပ်ရေးကောင်စီဥက္ကဋ္ဌ PU Terrance San Mawi Nikhuai (ဦးတာရန့်စ်စန်မွိုင်းနီခွဲ) က ဘယ်သူလဲ (in my)။ ၁၁ ဖေဖော်ဝါရီ ၂၀၂၁ တွင် ပြန်စစ်ပြီး။
- ↑ Breaking News: Chin Ramkulh Chief Minister Salai Lian Luai hmunhma ah tuanvo a latu ding in Ralkap nih thim mi Pu Terrance San Mawi Ni Khuai – HRINGDILDEL LAIRAM (in en)။ 21 February 2021 တွင် မူရင်းအား မော်ကွန်းတင်ပြီး။ ၁၁ ဖေဖော်ဝါရီ ၂၀၂၁ တွင် ပြန်စစ်ပြီး။