ထိန်လင်းဦး
ဒေါက်တာထိန်လင်းဦး(၁၈ မတ် ၁၉၇၂ဖွား) သည် ဥပဒေရေးရာဝန်ကြီးဌာန ၏ ဒုတိယဝန်ကြီး ဖြစ်သည်။[၁] ယင်းအပြင် ဒုတိယရှေ့နေချုပ်လည်း ဖြစ်သည်။ယင်းမတိုင်ခင်က စစ်အုပ်ချုပ်ရေးကြေညာထားသည့် ရန်ကုန်မြို့ လှိုင်သာယာမြို့နယ် စစ်ခုံရုံး ဥက္ကဋ္ဌ ဖြစ်သည်။
ဒေါက်တာထိန်လင်းဦး | |
|---|---|
| ဥပဒေရေးရာဝန်ကြီးဌာန ဒုတိယဝန်ကြီး | |
တာဝန်ထမ်းဆောင်ဆဲ | |
| တာဝန် စတင် ၃ ဩဂုတ် ၂၀၂၃ | |
| ယခင်လူ | ဦးစန်းလွင် |
| ကိုယ်ရေး အချက်အလက်များ | |
| မွေးဖွား | ၁၈ မတ် ၁၉၇၂ ရန်ကုန်တိုင်းဒေသကြီး ၊ကော့မှူးမြို့ |
| သားသမီး | ၁ |
| မိခင်ကျောင်း | တပ်မတော်(ကြည်း)ဗိုလ်သင်တန်းကျောင်း၊ (ဗထူး) |
ဝန်ထမ်းဘဝ ပြင်ဆင်ရန်
သူသည် တက္ကသိုလ်မှ ဥပဒေဘွဲ့ရ ကျောင်းသားတစ်ဦးဖြစ်သည်။ယင်းအပြင် ဥပဒေပညာဖြင့် ဒေါက်တာဘွဲ့ရထားသူလည်းဖြစ်သည်။ ဒေါက်တာထိန်လင်းဦးသည် ဥပဒေဘွဲ့ရကျောင်းသားဘဝမှတဆင့် တပ်မတော်(ကြည်း)ဗိုလ်သင်တန်းကျောင်း၊ (ဗထူး) အမှတ်စဉ်(၉၉) သို့ တက်ရောက်ကာ တပ်မတော်ထဲ ဝင်ရောက်ခဲ့သူဖြစ်သည်။ထိုမှတဆင့် သူသည် စစ်ဥပဒေချုပ်ရုံး တွင် တာဝန်ထမ်းဆောင်သည်။မြန်မာနိုင်ငံစစ်အာဏာသိမ်းပြီးနောက် စစ်အုပ်ချုပ်ရေးကြေညာထားသည့် ရန်ကုန်လှိုင်သာယာမြို့နယ်စစ်ခုံရုံးတွင် သူသည် ဥက္ကဋ္ဌဖြစ်လာသည်။ဒေါက်တာထိန်လင်းဦးသည် ဒုတိယရှေ့နေချုပ်အဖြစ် မထမ်းဆောင်ခင် ဗိုလ်မှူးကြီးအဆင့်ဖြင့် စစ်ဥပဒေချုပ်ရုံးတွင် နောက်ဆုံးတာဝန်ထမ်းဆောင်ခဲ့သည်။သူ့ကို နိုင်ငံတော်စီမံအုပ်ချုပ်ရေးကောင်စီက ၂၀၂၃ ဩဂုတ် ၃ရက်တွင် ဥပဒေရေးရာဝန်ကြီးဌာန ဒုတိယဝန်ကြီး နှင့် ဒုတိယရှေ့နေချုပ် အဖြစ် ခန့်အပ်ခဲ့ခြင်း ဖြစ်သည်။[၂]
မိသားစုဘဝ ပြင်ဆင်ရန်
သူသည် အိမ်ထောင်သည်တစ်ဦးဖြစ်ကာ သမီးတစ်ဦးရှိသည်။
ကိုးကား ပြင်ဆင်ရန်
- ↑ ပြည်ထောင်စုသမ္မတမြန်မာနိုင်ငံတော် နိုင်ငံတော်စီမံအုပ်ချုပ်ရေးကောင်စီ အမိန့်အမှတ်၊ ၇၀ / ၂၀၂၃ ၁၃၈၅ ခုနှစ်၊ ဒုတိယဝါဆိုလပြည့်ကျော် ၂ ရက် (၂၀၂၃ ခုနှစ်၊ ဩဂုတ်လ ၃ ရက်) ဒုတိယဝန်ကြီးနှင့် ဒုတိယရှေ့နေချုပ် ခန့်အပ်တာဝန်ပေးခြင်း။ CINCDS Myanmar (၃ ဩဂုတ်၂၀၂၃)။ ၅ ဩဂုတ် ၂၀၂၃ တွင် ပြန်စစ်ပြီး။
- ↑ ပြည်ထောင်စု တရားသူကြီးချုပ်၊ ပြည်ထောင်စုစာရင်းစစ်ချုပ်၊ ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌများ အပါအဝင် ဒုတိယဝန်ကြီးအချို့ ခန့်အပ်။ Eleven Media Group (၃ ဩဂုတ်၂၀၂၃)။ ၅ ဩဂုတ် ၂၀၂၃ တွင် ပြန်စစ်ပြီး။