ဝင်းထိန်
ဦးဝင်းထိန်သည် မိတ္ထီလာမြို့နယ် ပြည်သူ့လွှတ်တော် အမတ်အဖြစ် တာဝန်ထမ်းဆောင်ခဲ့ဖူးသော မြန်မာ့နိုင်ငံရေးသမားတစ်ဦးဖြစ်သည်။ အမျိုးသား ဒီမိုကရေစီ အဖွဲ့ချုပ် (NLD) ၏ နာယက နှင့် အဖွဲ့ဝင် တစ်ဦး ဖြစ်ကာ ပါတီ၏တရားဝင် ပြောရေးဆိုခွင့် ရှိသူ ဖြစ်သည်။ ဦးဝင်းထိန်သည် NLD ဥက္ကဋ္ဌ ဒေါ်အောင်ဆန်းစုကြည်၏ အရင်းနှီးဆုံး လူယုံများထဲမှ တစ်ဦးဖြစ်သည်ဟု ယူဆကြသည်။[၁] ၂၀၂၁ ခုနှစ် ဖေဖော်ဝါရီ ၅ ရက်နေ့ နံနက်တွင် နိုင်ငံတော်အကြည်ညိုပျက်စေမှုဆိုင်ရာ ပုဒ်မ ၁၂၄ - ကဖြင့် ဖမ်းဆီးတရားစွဲခံရပြီး[၂][၃] နေပြည်ထောင်အကျဉ်းထောင်တွင် ထိန်းသိမ်းခံခဲ့ရသည်။ ၂၀၂၁ ခုနှစ် အောက်တိုဘာလ ၂၉ ရက်နေ့တွင်တရားစွဲခံထားရသည့် ယင်းပုဒ်မနှင့်ပင် ထောင် အနှစ် ၂၀ချမှတ်ခံရပြီး ၂၀၂၁ နိုဝင်ဘာ ၉ရက် တွင် နေပြည်တော်အချုပ်ထောင်မှ မန္တလေးအိုးဘိုအကျဉ်းထောင်ထဲသို့ ပြောင်းရွှေ့ကျခံနေရသည်။[၄]
ဦးဝင်းထိန် | |
|---|---|
 | |
| ပြည်သူ့လွှတ်တော် ကိုယ်စားလှယ် | |
| တာဝန်သက်တမ်း ၂ မေ ၂၀၁၂ – ၂၉ ဇန်နဝါရီ ၂၀၁၆ | |
| ယခင်လူ | ဦးသိန်းအောင် |
| ဆက်ခံသူ | ဦးမောင်သင်း |
| မဲဆန္ဒနယ် | မိတ္ထီလာမြို့နယ် |
| ကိုယ်ရေး အချက်အလက်များ | |
| မွေးဖွား | ၂၄ ဒီဇင်ဘာ၊ ၁၉၄၁ ဆည်ကုန်းရွာ၊ မိတ္ထီလာမြို့နယ်၊ မန္တလေးတိုင်း |
| နိုင်ငံရေးပါတီ | အမျိုးသားဒီမိုကရေစီအဖွဲ့ချုပ် |
| ကြင်ဖော်(များ) | ဒေါ်သိန်းမြင့်ကြည် |
| သားသမီး | ၄ ဦး |
| မိခင်ကျောင်း | စစ်တက္ကသိုလ်၊ ရန်ကုန် ဝိဇ္ဇာနှင့် သိပ္ပံတက္ကသိုလ် |
| အလုပ်အကိုင် | နိုင်ငံရေးသမား |
| စစ်မှုထမ်းခြင်း | |
| သစ္စာခံနိုင်ငံ | မြန်မာနိုင်ငံ |
| တပ်/တပ်ဖွဲ့ခွဲ | တပ်မတော် (ကြည်း) |
| အမှုထမ်းကာလ | ၁၉၅၉–၁၉၇၇ |
| ရာထူး | ဗိုလ်ကြီး |
ငယ်စဉ်ဘဝနှင့် အသက်မွေးဝမ်းကျောင်း ပြင်ဆင်ရန်
ဦးဝင်းထိန်ကို မန္တလေးတိုင်းဒေသကြီး မိတ္ထီလာမြို့ ၊ ဆည်ကုန်းကျေးရွာတွင် ဦးလှထွန်းနှင့် ဒေါ်ခင်စုတို့မှ မွေးဖွားခဲ့သည်။ ၁၉၅၉ ခုနှစ်တွင် တပ်မတော်သို့ ဝင်ရောက်ခဲ့ပြီး ၁၉၆၃ ခုနှစ်တွင် စစ်တက္ကသိုလ် ပဉ္စမအသုတ်မှ ဘွဲ့ရရှိခဲ့သည်။[၅] ဦးဝင်းထိန်သည် စစ်တက္ကသိုလ်သမိုင်းတွင် ပထမဆုံး ထူးချွန်ဆု နှစ်ဆုရဖြစ်သည်။[၆] ဗိုလ်ကြီးရာထူးကို ရရှိပြီး ကာကွယ်ရေးဝန်ကြီးဌာန တွင် ဝန်ထမ်းရာထူး မထမ်းဆောင်မီ သောင်းကျန်းသူ နှိမ်နင်းရေး စစ်ဆင်ရေး အများအပြားတွင် ပါဝင်ခဲ့သည်။[၇]
ဗိုလ်ချုပ်ကြီးနေဝင်းကို လုပ်ကြံရန်ကြံစည်မှုဖြင့် ၁၉၇၆ ခုနှစ်တွင် ရေကြည်အိုင်စစ်ကြောရေးစခန်းတွင် ခြောက်လကြာ ထိန်းသိမ်းခံခဲ့ရသည်။[၈] ၁၉၇၇ ခုနှစ်တွင် တပ်မတော်မှ ထုတ်ပယ်ခံခဲ့ရကာ နောက်ပိုင်းတွင် အမျိုးသား ဒီမိုကရေစီ အဖွဲ့ချုပ်ကို ပူးတွဲတည်ထောင်သူ ဗိုလ်ချုပ်ကြီးဟောင်း ဦးတင်ဦး နှင့် တွေ့ဆုံခဲ့သည်။ ယင်းနောက် ရန်ကုန်ဝိဇ္ဇာနှင့်သိပ္ပံတက္ကသိုလ် မှ သိပ္ပံဘွဲ့ ရရှိပြီးနောက် စီးပွားရေးသမားအဖြစ် အသက်မွေးဝမ်းကြောင်းအသစ် စတင်ခဲ့သည်။[၅]
အမျိုးသား ဒီမိုကရေစီ အဖွဲ့ချုပ်နှင့် အကျဉ်းကျခံရခြင်း ပြင်ဆင်ရန်
၁၉၈၈ ခုနှစ် ၈၈၈၈ အရေးတော်ပုံ အပြီးတွင် ဦးတင်ဦးသည် ဦးဝင်းထိန်ကို လိုက်ရှာပြီး အမျိုးသား ဒီမိုကရေစီ အဖွဲ့ချုပ် သို့ ဝင်ရောက်ရန် တောင်းဆိုခဲ့ကာဒေါ်အောင်ဆန်းစုကြည်၏ NLD ပါတီစည်းရုံးရေးခရီးများတွင် လုံခြုံရေးကိစ္စများအား ဆောင်ရွက်ခဲ့သည်။[၇] အခြား NLD ပါတီဝင် ဒါဇင်ပေါင်းများစွာနှင့်အတူ ၁၉၈၉ ခုနှစ် ဇူလိုင်လတွင် ဖမ်းဆီးခံခဲ့ရပြီး ရန်ကုန် အင်းစိန်ထောင်တွင် ညှဉ်းပန်းနှိပ်စက်မှုများဖြင့် စစ်ဆေးမေးမြန်းခံခဲ့ရသည်။ [၇]
အကျဉ်းထောင်ထဲ ၆နှစ် နေထိုင်ခဲ့ရပြီး ၁၉၉၅ ခုနှစ်တွင် နိုင်ငံရေး အကျဉ်းသားများ လွတ်ငြိမ်းချမ်းသာခွင့်ဖြင့် လွတ်မြောက်လာခဲ့ပြီး နောက်နှစ် ၁၉၉၆ တွင်ထပ်မံဖမ်းဆီးခံရကာ ဒေါ်အောင်ဆန်းစုကြည်၏ သက်တော်စောင့် မောင်တင်လှိုင်အား Australian Broadcasting Corporationနှင့် တွေ့ဆုံမေးမြန်းမှုတွင် နိုင်ငံရေး အကျဉ်းသားများ၏ ညှဉ်းပန်းနှိပ်စက်မှုနှင့် ပတ်သက်၍ ပြောကြားရန် ညွှန်ကြားမှုဖြင့် တရားစွဲဆိုခံခဲ့ရသည်။ [၅] ၂၀၀၈ ခုနှစ်တွင် ကသာအကျဉ်းထောင်မှ ပြန်လည်လွတ်မြောက်လာခဲ့ပြီး ၂၄ နာရီအကြာတွင် ထပ်မံဖမ်းဆီးခံခဲ့ရသည်။ ၁၉၉၆ နောက်ပိုင်း အကျဉ်းထောင်ထဲ ထောင်ဒဏ်၁၄နှစ် ကျခံခဲ့ရပြီးနောက် ကသာအကျဉ်းထောင်မှနေ၍ ၂၀၁၀ ဇူလိုင် ၁၆ရက်တွင် ပြန်လွတ်လာသည်။[၉][၁၀][၁၁]ယခု နောက်ဆုံးတစ်ကြိမ်တွင် ထောင်ဒဏ် နှစ် ၂၀ ချမှတ်ခံခဲ့ရကာ မန္တလေးအိုးဘိုထောင်တွင် အကျဉ်းကျခံလျက်ရှိသည်။[၁၂]
လွှတ်တော်ကိုယ်စားလှယ်ဘဝ ပြင်ဆင်ရန်
၂၀၁၂ ခုနှစ် ဧပြီလတွင်ပြုလုပ်သော ကြားဖြတ်ရွေးကောက်ပွဲတွင် ဦးဝင်းထိန်သည် ၎င်း၏မွေးရပ်ဇာတိ မိတ္ထီလာမြို့နယ် ပြည်သူ့လွှတ်တော် မဲဆန္ဒနယ်မှ NLD ကိုယ်စားပြုအဖြစ် ရွေးကောက်တင်မြှောက်ခံခဲ့ရသည်။ သမ္မတ ဦးသိန်းစိန် အစိုးရလက်ထက်တွင် စက်မှုဝန်ကြီးဌာန ဒုဝန်ကြီးအဖြစ် ရာထူးမှ နုတ်ထွက်ခဲ့သည့် ဦးသိန်းအောင်နေရာတွင် အစားထိုးခန့်အပ်ခံခဲ့ရသည်။ [၁၃]
၂၀၁၃ ခုနှစ် မတ်လတွင် မိတ္ထီလာမြို့သည် မင်္ဂလာဇေယျာကုန်း အစ္စလမ်ဘော်ဒါဆောင်ကျောင်းမှ ဆယ်ကျော်သက် ကျောင်းသား ၃၂ ဦး အပါအဝင် လူ ၄၀ ကျော် သေဆုံးခဲ့သည့် မွတ်စလင်ဆန့်ကျင်ရေး အဓိကရုဏ်းများ ဖြစ်ပွားရာ နေရာဖြစ်ခဲ့သည်။ အဓိကရုဏ်းများရပ်တန့်ရန် ကြားဝင် ကြိုးပမ်းသူ ဦးဝင်းထိန်က နောက်ပိုင်းတွင် အဆိုပါအကြမ်းဖက်မှုသည် မိတ္ထီလာနယ်သား ဖြစ်ရခြင်းကို ရှက်ရွံ့စေရသည်ဟု ပြောဆိုခဲ့သည်။ [၁၄] [၁၅]
၂၀၁၅ ရွေးကောက်ပွဲတွင် ဦးဝင်းထိန်က ဝင်ရောက်မယှဉ်ပြိုင်ခဲ့ပေ။[၁]ရွေးကောက်ပွဲတွင် ပါတီက အပြတ်အသတ်အနိုင်ရပြီးနောက် NLD ပါတီ၏ အနာဂတ်အရေးများကို အာရုံစိုက်သွားမည်ဟု Financial Times သို့ ပြောကြားခဲ့သည်။
ဦးဝင်းထိန်သည် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီထံမှ အမျိုးသားဒီမိုကရေစီအဖွဲ့ချုပ်ပါတီ အာဏာလွှဲပြောင်းရယူရေးတွင် ကြီးမားသည့်အခန်းကဏ္ဍမှ ပါဝင်ခဲ့သည့်အပြင် [၁၆] ၂၀၁၅ ရွေးကောက်ပွဲအပြီးနောက်ပိုင်း အမျိုးသားဒီမိုကရေစီအဖွဲ့ချုပ်ပါတီ အတွင်း ကြီးမားသည့်ဩဇာလည်း ရှိလာခဲ့သည်။[၁၇]ပါတီဗဟို အတွင်းရေးမှူးအဖြစ် ခန့်အပ်ခံရပြီးနောက် ပါတီကိုထိန်းကျောင်းခြင်းအပါအဝင် ပြည်ထောင်စုနှင့် တိုင်း၊ ပြည်နယ် အစိုးရအဖွဲ့ ရွေးချယ်ခန့်အပ်မှုများ၊ လွှတ်တော်အမတ်တို့၏ မေးခွန်း၊ အဆို စိစစ်မှုများအပေါ် လွှမ်းမိုးခဲ့သည်။[၁၈] ၂၀၁၆ ဧပြီ ၅ရက် တွင် ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်တွင် အဖွဲ့ဝင်အဖြစ် ၂၀၁၉ ဖေဖော်ဝါရီ ၂၈ရက်အထိ တာဝန်ထမ်းဆောင်သည်။[၁၉]၂၀၁၈ မတ်လ ၂၆ရက်တွင် ပါတီဗဟိုအတွင်းရေးမှူးအဖြစ်မှ ပါတီနာယကအဖြစ်သို့ ရောက်ရှိသွားပြီးနောက် ပါတီတွင်း ဩဇာကျဆင်းသွားရသည်။[၂၀] [၂၁] ဦးဝင်းထိန်သည် ထိုကာလနောက်ပိုင်း သမီးဖြစ်သူနေထိုင်ရာ ဩစတြေးလျသို့ သွားရောက်နေထိုင်သည်။အမျိုးသားဒီမိုကရေစီအဖွဲ့ချုပ်မှ နှုတ်ထွက်ရန်လည်း စာတင်ခဲ့ဖူးသည်။ ဒေါ်အောင်ဆန်းစုကြည်က လက်မခံသည့်အတွက် မြန်မာနိုင်ငံသို့ ပြန်လာပြီး ပါတီတာဝန်များအား ဆက်လက်ထမ်းဆောင်သည်။ [၂၂]
၂၀၂၁ ခုနှစ် မြန်မာနိုင်ငံ အာဏာသိမ်းခံရပြီးနောက် မှတ်ချက်စကားပြောကြားမှုကြောင့်၂၀၂၁ ခုနှစ် အောက်တိုဘာလ ၂၉ ရက်နေ့တွင် ဦးဝင်းထိန်အား စစ်အစိုးရက ထောင်ဒဏ် အနှစ် ၂၀ ချမှတ်ဖြင့် မန္တလေး အိုးဘိုအကျဉ်းထောင်တွင် အကျဉ်းချထားခဲ့သည်။ [၂၃] ဖမ်းဆီးခံရပြီး များမကြာမီတွင် စစ်အာဏာရှင်များက ပြင်ဆင် ပြဋ္ဌာန်းခဲ့သည့် ရာဇသတ်ကြီး ပုဒ်မ ၁၂၄ (က) ရှိ အများဆုံး သက်တမ်း ၃ နှစ်မှ အနှစ် ၂၀ အထိ ပြင်ဆင်ခဲ့သည်။ [၂၃]
ပုဂ္ဂိုလ်ရေးဘဝ ပြင်ဆင်ရန်
ဒေါ်သိန်းမြင့်ကြည်နှင့် အိမ်ထောင်ကျပြီး သားနှစ်ယောက်နှင့် သမီးနှစ်ယောက်ရှိသည်။ [၂၄]
ထောင်ကျခံနေရစဉ်ကာလအတွင်း ဦးဝင်းထိန်၏ ကျန်းမာရေး ထိခိုက်ခဲ့ရသည်။ ၂၀၁၄ နိုဝင်ဘာ ၁၈ရက် ပြည်သူ့လွှတ်တော်အစည်းအဝေးမစတင်ခင် လွှတ်တော်ကြမ်းပြင်ပေါ် လဲကျသွားခဲ့ဖူးသည်။ သူသည် နာတာရှည် နှလုံးရောဂါကြောင့် ညအိပ်ချိန်တွင် အောက်ဆီဂျင်ဘူးကို အသုံးပြုခဲ့ရသည်။[၁] ၂၀၁၆ ခုနှစ် ဖေဖေါ်ဝါရီလတွင် ခဏတာ ဆေးရုံတက်ခဲ့ရပြီး ကွယ်လွန်ပြီဟူသော ကောလာဟလများ ကျယ်ကျယ်ပြန့်ပြန့် ထွက်ပေါ်ခဲ့သည်။ [၂၅]
ကိုးကား ပြင်ဆင်ရန်
- ↑ ၁.၀ ၁.၁ ၁.၂ Michael Peel (August 21, 2015)။ U Win Htein, aide to Aung San Suu Kyi။ Financial Times။ March 7, 2016 တွင် ပြန်စစ်ပြီး။
- ↑ "Myanmar coup: Teachers join growing protests against military" (in en-GB)၊ BBC News၊ 2021-02-05။
- ↑ Senior NLD figure Win Htein detained in Yangon on sedition charge, family says (in en)။ 2021-02-05 တွင် ပြန်စစ်ပြီး။
- ↑ ထောင်ဒဏ်အနှစ် ၂၀ ချမှတ်ခံထားရသူ ဦးဝင်းထိန်ကို မန္တလေးအိုးဘိုထောင်ပို့။ Myanmar Now (၁၀ နိုဝင်ဘာ ၂၀၂၁)။ ၃ မတ်လ ၂၀၂၃ တွင် ပြန်စစ်ပြီး။
- ↑ ၅.၀ ၅.၁ ၅.၂ Win Htein။ Amnesty International။ 26 April 2009 တွင် မူရင်းအား မော်ကွန်းတင်ပြီး။ March 7, 2016 တွင် ပြန်စစ်ပြီး။
- ↑ ဦးဝင်းထိန် သို့မဟုတ် မင်းအောင်လှိုင် ရင်ဘတ်ထဲက ဆူးတစ်ချောင်း (in my) (၂၇ ဖေဖော်ဝါရီ ၂၀၂၃)။ ၂ မတ် ၂၀၂၃ တွင် ပြန်စစ်ပြီး။
- ↑ ၇.၀ ၇.၁ ၇.၂ A Conversation with U Win Htein။ Burma Debate (May 1996)။ March 7, 2016 တွင် ပြန်စစ်ပြီး။
- ↑ အာဏာရှင် သုံးဆက်စလုံးကို အပြုံးမပျက်ရင်ဆိုင်ခဲ့သူ ဦးဝင်းထိန် (in my) (၃၀ အောက်တိုဘာ ၂၀၂၁)။ ၂ မတ် ၂၀၂၃ တွင် ပြန်စစ်ပြီး။
- ↑ နှစ်ပေါင်း ၂၀ ကျော် ထောင်ထဲမှာ နေခဲ့ရတဲ့ ဦးဝင်းထိန်။ BBC Burmese (၁၆ ဇူလိုင် ၂၀၁၀)။ ၃ မတ်လ ၂၀၂၃ တွင် ပြန်စစ်ပြီး။
- ↑ False Amnesty: Burmese activist arrested 24 hours after release။ AsiaNews.it (September 25, 2008)။ March 7, 2016 တွင် ပြန်စစ်ပြီး။
- ↑ U Win Htein is free။ Amnesty International (July 16, 2010)။ 6 April 2016 တွင် မူရင်းအား မော်ကွန်းတင်ပြီး။
- ↑ ဦးဝင်းထိန် ထောင်ဒဏ် အနှစ် ၂၀ ချမှတ်ခံရ။ RFA Burmese (၂၉ အောက်တိုဘာ ၂၀၂၁)။ ၃ မတ်လ ၂၀၂၃ တွင် ပြန်စစ်ပြီး။
- ↑ Maung Zaw (November 11, 2015)။ Communal violence haunts Meiktila vote။ The Myanmar Times။ March 7, 2016 တွင် ပြန်စစ်ပြီး။
- ↑ U Win Htein stands by comments on Meiktila violence။ The Myanmar Times (September 23, 2015)။ March 7, 2016 တွင် ပြန်စစ်ပြီး။
- ↑ Win Htein: 'We are offering change'။ Frontier Myanmar (October 1, 2015)။ March 7, 2016 တွင် ပြန်စစ်ပြီး။[လင့်ခ်သေ]
- ↑ တပ်မတော်ကို မုန်းလည်းမမုန်းဘူး၊ ရွံလည်းမရွံဘူး - NLD ဦးဝင်းထိန်ရဲ့ သံသရာတကွေ့။ BBC Burmese (၄ ဒီဇင်ဘာ ၂၀၁၈)။ ၃ မတ်လ ၂၀၂၃ တွင် ပြန်စစ်ပြီး။
- ↑ အင်န်အယ်လ်ဒီကို ဦးတင်ဦးနှင့် အတွင်းရေးမှူးအဖွဲ့က တာဝန်ယူသွားမည်။ Frontier Myanmar (၂၄ မတ် ၂၀၁၆)။ ၃ မတ်လ ၂၀၂၃ တွင် ပြန်စစ်ပြီး။[လင့်ခ်သေ]
- ↑ ၂၀၂၀ ရွေးကောက်ပွဲအတွက် ဦးဝင်းထိန် ကြိုတင်သတိပေး။ ဧရာဝတီ (၁၉ ဒီဇင်ဘာ ၂၀၁၇)။ ၃ မတ်လ ၂၀၂၃ တွင် ပြန်စစ်ပြီး။
- ↑ ဦးဝင်းထိန်အား ပြည်ထောင်စုလွှတ်တော် ကော်မရှင်တွင် တာဝန်ပေး။ F rontier Myanmar (၅ ဧပြီ ၂၀၁၆)။ ၃ မတ် ၂၀၂၃ တွင် ပြန်စစ်ပြီး။
- ↑ ဦးဝင်းမြင့်နှင့် ဒေါက်တာဇော်မြင့်မောင်တို့ကို အဖွဲ့ချုပ် ဒုဥက္ကဋ္ဌများအဖြစ် ခန့်အပ်။ DVB (၃၀ မတ် ၂၀၁၈)။ ၃ မတ် ၂၀၂၃ တွင် ပြန်စစ်ပြီး။
- ↑ သမ္မတဦးဝင်းမြင့်အား ပါတီဒုတိယဥက္ကဋ္ဌ (၁) အဖြစ် တာဝန်ပေးအပ်ပြီး ဦးဝင်းထိန်အပါအဝင် ဗဟိုအလုပ်အမှုဆောင်လေးဦးအား သဘာပတိအဖွဲ့ဝင်အဖြစ် ပြောင်းလဲတာဝန်ပေးအပ်ကြောင်း NLD ပါတီ ထုတ်ပြန်။ Eleven Media Group (၃၁ မတ် ၂၀၁၈)။ ၃ မတ် ၂၀၂၃ တွင် ပြန်စစ်ပြီး။
- ↑ ဦးတီခွန်မြတ်နှင့် ဦးဝင်းမြင့်တို့၏ ရာထူးအပြောင်းအလဲနှင့်ပတ်သက်ပြီး လွန်ခဲ့သည့် နှစ်လခန့်ကတည်းက တိုင်ပင်ပြီးသားဖြစ်ကြောင်းနှင့် လွှတ်တော်ပိုင်းတွင် အားနည်းသွားနိုင်ကြောင်း ဦးဝင်းထိန်ပြောကြား။ Eleven Media Group (၂၅ မတ် ၂၀၁၈)။ ၃ မတ် ၂၀၂၃ တွင် ပြန်စစ်ပြီး။
- ↑ ၂၃.၀ ၂၃.၁ Myanmar court gives Suu Kyi confidante 20-year prison term (in en) (2021-10-29)။ 2021-11-02 တွင် ပြန်စစ်ပြီး။
- ↑ MP profile။ Pyithu Hluttaw။ 24 March 2018 တွင် မူရင်းအား မော်ကွန်းတင်ပြီး။ 24 March 2018 တွင် ပြန်စစ်ပြီး။
- ↑ Soe Than Lynn (February 11, 2016)။ U Win Htein in good health after sudden hospital visit။ Frontier Myanmar။ 8 March 2016 တွင် မူရင်းအား မော်ကွန်းတင်ပြီး။ March 7, 2016 တွင် ပြန်စစ်ပြီး။