အုန်းဝင်း

ဦးအုန်းဝင်း သည် သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၏ ပြည်​ထောင်စုဝန်ကြီး အဖြစ် ၂၀၁၆ခုနှစ်မှ ၂၀၂၁ခုနှစ်အထိ တာဝန်ထမ်း​ဆောင်ခဲ့သူဖြစ်သည်။

​အုန်းဝင်း
သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီး
တာဝန်သက်တမ်း ၃၀ မတ် ၂၀၁၆ – ၁ ​ဖေ​ဖော်ဝါရီ ၂၀၂၁
သမ္မတ	ဦးထင်ကျော် ဦးမြင့်ဆွေ (ယာယီ) ဦးဝင်းမြင့်
ယခင်လူ	ဦးဝင်းထွန်း (ပတ်ဝန်းကျင်/သစ်​တော) ဦးမြင့်​အောင် (သတ္တုတွင်း)
ဆက်ခံသူ	ဦးခင်​မောင်ရီ

ပညာ​ရေး

ရန်ကုန်ဝိဇ္ဇာနှင့်သိပ္ပံတက္ကသိုလ်မှ သစ်​တောဘာသာရပ်ဖြင့် B.Scဘွဲ့ရရှိခဲ့သည်။ ဖိလစ်ပိုင်တက္ကသိုလ်မှ Ergonomics (ပတ်ဝန်းကျင်၊အခြေအနေ စသည်တို့ကြောင့် လုပ်သားတို့၏ ကုန်ထုတ်စွမ်းအားအတက်အကျရှိပုံကို လေ့လာသည့်ပညာ)ဖြင့် ဒီပလိုမာ၊ အ​မေရိကန်နိုင်ငံ၊ ​ကော်လိရာဒိုပြည်နယ်တက္ကသိုလ်မှ ​ရေအရင်းအမြစ် စီမံခန့်ခွဲမှုဖြင့် မာစတာဘွဲ့ ရရှိခဲ့သည်။

အလုပ်အကိုင်

ဦးအုန်းဝင်းသည် သယံဇာတနှင့် သဘာဝပတ်ဝန်းကျင် ထိန်းသိမ်းရေး ဝန်ကြီးဌာန၏ ဝန်ကြီးအဖြစ် ၂၀၁၆ခုနှစ် အစိုးရအသစ် ဖွဲ့စည်းချိန်တွင် စတင်တာဝန်ထမ်း​ဆောင်ခဲ့သည်။

ဝန်ကြီးအဖြစ် မလုပ်ကိုင်မီက ​ရေအရင်းအမြစ်စီမံခန့်ခွဲမှုနှင့် သဘာဝပတ်ဝန်းကျင်ဆိုင်ရာ ပညာရှင်အဖြစ် UNDP အပါအဝင် နိုင်ငံတကာအဖွဲ့အစည်းများနှင့် NGOများတွင် လုပ်ကိုင်ခဲ့သည်။

၂၀၁၁ခုနှစ်မတိုင်မီအထိ ရေဆင်းသစ်တောတက္ကသိုလ်၏ ဒုတိယပါ​မောက္ခချုပ်အဖြစ် လုပ်ကိုင်ခဲ့သည်။ ထိုမတိုင်မီများက ပတ်ဝန်းကျင်ထိန်းသိမ်းရေးနှင့် သစ်တောရေးရာ ဝန်ကြီးဌာန၏ စီမံကိန်းနှင့် စာရင်းအင်းဦးစီးဌာနတွင် ညွှန်ကြား​ရေးမှူး၊ သစ်​တောသု​တေသန​ကျောင်းတွင် ညွှန်ကြား​ရေးမှူး၊ ရှမ်းပြည်နယ်နှင့် မွန်ပြည်နယ် သစ်​တောဦးစီးဌာနများတွင် ညွှန်ကြား​ရေးမှူး တာဝန်များ ​ဆောင်ရွက်ခဲ့သည်။