ဧဟိဘိက္ခုနီ

ဧဟိဘိက္ခုနီမည်သောရဟန်းမ။ ဧဟိဘိက္ခု-လည်းကြည့်။

ဧဟိဘိက္ခုနီ မရှိ အယူအဆ

(ဧဟိဘိက္ခုနီမည်သော ရဟန်းမ ဟူ၍ မရှိ၊ ဝိ၊၂၊၂၇၆-၌" ဘိက္ခုနီတိ ဘိက္ခိကာ ဘိက္ခုနီ၊... ဧဟိဘိက္ခုနီတိ ဘိက္ခုနီ” အစရှိသည်ဖြင့် “ဧဟိဘိက္ခုနီ”ကို ဟောတော်မူခြင်းကား ဘိက္ခုဝိဘင်း၌ ဟောတော်မူအပ်သော ဒေသနာတော်အယဉ် အတိုင်း ဟောတော်မူခြင်းသာ ဖြစ်သည်။ ဘုရားရှင်က “ဧဟိဘိက္ခုနီ” ဖြစ်နိုင် ကောင်းသော အမျိုးသ္မီးကို "ဧဟိ ဘိက္ခုနီ” စသည်ဖြင့် ခေါ်ဝေါ်ခဲ့ပါမူ ဧဟိဘိက္ခုနီ ရဟန်းမ ရှိနိုင်သည်၊ အမျိုးသ္မီးတို့၌ ဘုရားရှင်က “ဧဟိ ဘိက္ခုနီ”စသည်ဖြင့် ခေါ်ဝေါ် လောက်သော ကောင်းမှုကုသိုလ်မျိုး မရှိသောကြောင့် ဧဟိဘိက္ခုနီ ဟူ၍မရှိခြင်း ဖြစ်သည်။ ဓမ္မပဒအဋ္ဌကထာ ဝိသာခါ ဝတ္ထု၌ “မိန်းမတို့၏ သင်္ကန်းအလှူသည် မဟာလတာတန်ဆာဖြင့် အထွတ် အထိပ်သို့ ရောက်၏၊ ယောက်ျားတို့၏ သင်္ကန်း အလှူသည် တန်ခိုးဖြင့်ပြီးသော သပိတ် သင်္ကန်းဖြင့် အထွတ်အထိပ် ရောက်၏”ဟု လာရှိသည်။

အချို့ကား “ရဟန်းမိန်းမတို့သည် ဘုရားရှင်၏ အနီး အပါး၌ မနေကြရ၊ ရဟန်းယောက်ျားတို့ သည်သာလျှင် ဘုရားရှင်၏ အနီးအပါး၌ နေထိုင်ကြရသောကြောင့် ရဟန်းယောက်ျားတို့သာ ဧဟိဘိက္ခု ဖြစ်ကြသည်” စသည်ဖြင့် ဆိုကြ၏၊ ထိုသူတို့၏ အယူအဆမျှ သာဖြစ်သည်။

ဧဟိဘိက္ခုနီများ

မဟာပဇာပတိဂေါတမီထေရီကို လည်းကောင်း၊ ထိုမဟာပဇာပတိဂေါတမီ နှင့် အတူ နန်းတော်မှ ထွက်ခဲ့ကြ၍ ရဟန်း ယောက်ျားတို့ထံ၌သာ ရဟန်းမအဖြစ်သို့ ရောက်ကြသော (ဧကတောဥပသမ္ပန္နဖြစ်သော) သာကီဝင်မင်းသမီးငါးရာတို့ကို လည်းကောင်း ရည်ရွယ်၍ “ဧဟိဘိက္ခုနီ” ဟု ဟောတော်မူသည်။