ကိုကို (ဝန်ကြီး)

ဦးကိုကို (၁၉၄၇ ဖွား) သည် တပ်မတော်သားဟောင်းတစ်ဦး နှင့် စာရေးဆရာ တစ်ဦး ဖြစ်သည်။ လက်ရှိ ပြည်ထောင်စုရွေးကောက်ပွဲကော်မရှင် ဥက္ကဋ္ဌ အဖြစ်တာဝန်ထမ်းဆောင်နေသည်။ ယင်းမတိုင်မီ က သာသာနာရေးနှင့်ယဉ်ကျေးမှုဝန်ကြီးဌာန ၏ ပြည်ထောင်စုဝန်ကြီး ဖြစ်ခဲ့သည်။

ဦးကိုကို
ပြည်ထောင်စု ရွေးကောက်ပွဲ ကော်မရှင် ဥက္ကဋ္ဌ
တာဝန်ထမ်းဆောင်ဆဲ
တာဝန် စတင် ၃၁ ဇန်နဝါရီ ၂၀၂၄
ခန့်အပ်သူ	နိုင်ငံတော်စီမံအုပ်ချုပ်ရေးကောင်စီ
သမ္မတ	ဦးမြင့်ဆွေ (ယာယီ)
ဝန်ကြီးချုပ်	ဗိုလ်ချုပ်မှူးကြီး မင်းအောင်လှိုင်
ယခင်လူ	ဦးသိန်းစိုး
သာသာနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီး
တာဝန်သက်တမ်း ၁ ဖေဖော်ဝါရီ ၂၀၂၁ – ၁ ဩဂုတ် ၂၀၂၃
ယခင်လူ	ဦးအောင်ကို
ဆက်ခံသူ	ဦးတင်ဦးလွင်
ကိုယ်ရေး အချက်အလက်များ
မွေးဖွား	၁၉၄၇
လူမျိုး	မြန်မာ
မိခင်ကျောင်း	စစ်တက္ကသိုလ်
စစ်မှုထမ်းခြင်း
တပ်/တပ်ဖွဲ့ခွဲ	တပ်မတော် (လေ)
အမှုထမ်းကာလ	၁၉၆၈ -၂၀၀၇
ရာထူး	ဗိုလ်မှူးကြီး

ငယ်ဘဝ

သူသည် စစ်တက္ကသိုလ် အပတ်စဉ် (၁၀) ဆင်း ဖြစ်သည်။ တပ်မတော် (လေ) တွင် ၁၉၆၈ ခုနှစ် နောက်ပိုင်းက စပြီး စစ်မှုထမ်းသည်။ ၂၀၀၇ ခုနှစ် တွင် တပ်မတော် (လေ) မှ ဗိုလ်မှူးကြီး အဆင့် ဖြင့် အငြိမ်းစားယူသည်။

စာပေရေးသားခြင်းများ

သူသည် ဧကရာဇ်၊ကို (ဗိုလ်မှူးကြီး) စသည့် ကလောင်အမည်ဖြင့် ကဗျာ အပါအဝင် စာပေများရေးသားသည်။

အခြားတာဝန်ထမ်းဆောင်မှုများ

သူသည် ၂၀၁၁ ခုနှစ် နောက်ပိုင်း ရန်ကုန်တိုင်းဒေသကြီးရွေးကောက်ပွဲ ကော်မရှင်ဥက္ကဋ္ဌ အဖြစ် တာဝန်ပေးခံရသည်။ အထွေထွေရွေးကောက်ပွဲ ၂၀၁၅ လုပ်ငန်းပြီးပြတ်ပြီးသည်အထိ ထမ်းဆောင်သည်။

ပြည်ထောင်စုဝန်ကြီးဖြစ်လာပုံ

၂၀၂၁ ခုနှစ် ဖေဖော်ဝါရီ စစ်အာဏာသိမ်းပြီး နောက် ထိုနေ့မှာပင် သူ့ကို နိုင်ငံတော်စီမံအုပ်ချုပ်ရေးကောင်စီ က သာသနာရေးနှင့်ယဉ်ကျေးမှုဝန်ကြီးဌာန ပြည်ထောင်စုဝန်ကြီးအဖြစ် တာဝန်ပေးသည်။ ၂၀၂၃ ခုနှစ် ဩဂုတ်လ ၁ရက်နေ့ တွင် ထိုတာဝန်မှ အနားပေးခံရသည်။

ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဖြစ်လာပုံ

၂၀၂၄ ခုနှစ် ဇန်နဝါရီ ၃၁ ရက်နေ့တွင် ပြည်ထောင်စုရွေးကောက်ပွဲကော်မရှင် ဥက္ကဋ္ဌ အဖြစ် ခန့်အပ်ခံရသည်။

အရေးယူပိတ်ဆို့ခံရမှု

သူ့ကို စစ်ကောင်စီ ထဲ ပါဝင်မှု ဖြင့် အမေရိကန် နှင့် ဥရောပသမဂ္ဂ အပါအဝင် နိုင်ငံအချို့က ဒဏ်ခတ် အရေးယူ ပိတ်ဆို့ထားသည်။