ကုလသမဂ္ဂ ကြေညာစာတမ်း

ကုလသမဂ္ဂကြေညာစာတမ်းသည် ဒုတိယကမ္ဘာစစ်၏ မဟာမိတ်များကို တရားဝင်ဖြစ်စေခဲ့သော အဓိကသဘောတူစာချုပ်ဖြစ်ပြီး ၁၉၄၂ မှ ၁၉၄၅ ခုနှစ်များအတွင်း နိုင်ငံပေါင်း ၄၇ နိုင်ငံမှ အစိုးရများက လက်မှတ်ရေးထိုးခဲ့သည်။ ၁၉၄၂ ဇန်နဝါရီလ ၁ ရက်နေ့တွင် ကျင်းပလျက်ရှိခဲ့သော အာကေးဒီးယားညီလာခံအတွင်း ယူနိုက်တက်ကင်းဒမ်း၊ အမေရိကန်ပြည်ထောင်စု၊ ဆိုဗီယက်ယူနီယံနှင့် တရုတ်နိုင်ငံတို့ပါဝင်သည့် "ကြီးလေးကြီး"တို့သည် ကုလသမဂ္ဂကြေညာစာတမ်းဟု လူသိများလာမည့် စာတမ်းအတိုတစ်ခုကို လက်မှတ်ရေးထိုးခဲ့ပြီး နောက်တစ်နေ့တွင် အခြားနိုင်ငံ ၂၂ နိုင်ငံ၏ ကိုယ်စားလှယ်များကလည်း လက်မှတ်များ ပါဝင်ရေးထိုးခဲ့ကြသည်။

ကုလသမဂ္ဂကြေညာစာတမ်း
"ကုလသမဂ္ဂသည် လွတ်လပ်ရေးအတွက် တိုက်ပွဲဝင်သည်။" — အမေရိကန်စစ်သတင်းပြန်ကြားရေးရုံး၏ ပိုစတာ (၁၉၄၃)
ရိုးရာ တရုတ်	聯合國共同宣言
ရိုးရှင်းသော တရုတ်	联合国家宣言
Transcriptions Standard Mandarin Hanyu Pinyin Liánhéguó gòngtóng xuānyán
ရုရှားအမည်
ရုရှား	Декларация Объединённых Наций
ရိုမန်ပြုခြင်း	Deklaratsiya Ob"yedinonnykh Natsiy
အင်္ဂလိပ် name
အင်္ဂလိပ်	Declaration by United Nations

စာသား

ကုလသမဂ္ဂကြေညာစာတမ်း

အမေရိကန်ပြည်ထောင်စု၊ မဟာဗြိတိန်နှင့်မြောက်အိုင်ယာလန် ပြည်ထောင်စုဘုရင့်နိုင်ငံ၊ ဆိုဗီယက်ဆိုရှယ်လစ် သမ္မတနိုင်ငံများပြည်ထောင်စု၊ တရုတ်၊ ဩစတြေးလျ၊ ဘယ်လ်ဂျီယံ၊ ကနေဒါ၊ ကော့စတာရီကာ၊ ကျူးဘား၊ ချက်ကိုဆလိုဗားကီးယား၊ ဒိုမီနီကန်သမ္မတနိုင်ငံ၊ အယ်ဆာဗေဒို၊ ဂရိ၊ ဂွါတီမာလာ၊ ဟေတီ၊ ဟွန်ဒူးရပ်စ်၊ အိန္ဒိယ၊ လူဇင်ဘတ်၊ နယ်သာလန်၊ နယူးဇီလန်၊ နီကာရာဂွာ၊ နော်ဝေ၊ ပနားမား၊ ပိုလန်၊ တောင်အာဖရိက၊ ယူဂိုဆလာဗီယားနိုင်ငံတို့၏ ပူးတွဲကြေညာချက်

အောက်‌ဖော်ပြပါအချက်များအတွက် ဤအစိုးရများကလက်မှတ်ရေးထိုးကြသည်။

၁၉၄၁ ခုနှစ် ဩဂုတ်လ ၁၄ ရက်နေ့ရက်စွဲတွင် ကြေညာခဲ့သော အတ္တလန္တိတ်စာချုပ်ဟူ၍လည်း အမည်ရသည့် အမေရိကန်ပြည်ထောင်စုသမ္မတနှင့် မဟာဗြိတိန်နိုင်ငံဝန်ကြီးချုပ်တို့၏ ပူးတွဲကြေညာစာတမ်းတွင်ပါရှိသည့် ရည်ရွယ်ချက်များနှင့် အခြေခံမူများပါရှိသည့် ဘုံအစီအစဉ်တစ်ခုတွင် လာရောက်ပါဝင်ခြင်း၊

မိမိတို့၏အသက်၊ လွတ်လပ်ခွင့်၊ လွတ်လပ်ရေးနှင့် ဘာသာရေးလွတ်လပ်ခွင့်တို့ကို ခုခံကာကွယ်ရန်နှင့် မိမိတို့နိုင်ငံအပြင် အခြားနိုင်ငံများတွင်လည်း လူ့အခွင့်အရေးနှင့် တရားမျှတမှုကို ထိန်းသိမ်းစောင့်ရှောက်ရန်တို့အတွက် မိမိတို့၏ရန်သူများကို အပြည့်အဝတိုက်ခိုက်ရန် လိုအပ်ကြောင်းသိရှိရခြင်း၊ ယခုအခါတွင်လည်း ကမ္ဘာကြီးကိုချေမှုန်းရန် ကြိုးပမ်းနေကြသော ရက်စက်ကြမ်းကြုတ်သည့် အင်အားစုများကို ဆန့်ကျင်နေကြသော ဘုံတိုက်ပွဲများတွင် ပါဝင်နေကြခြင်း

ကြေညာအပ်ပါသည်:

(၁) အစိုးရတိုင်းသည် သုံးပွင့်ဆိုင်စစ်စာချုပ်၏ အဖွဲ့ဝင်များနှင့် အဆိုပါအစိုးရနှင့် စစ်ဖြစ်နေသော ထိုစာချုပ်နှင့်ဆက်စပ်နေသူတို့ကို ဆန့်ကျင်သည့်ရန်အတွက် မိမိ၏စစ်ဖက်ဆိုင်ရာ သို့မဟုတ် စီးပွားရေးဆိုင်ရာ အရင်းအမြစ်များကို အပြည့်အဝအသုံးချရန် ကတိပြုပါကြောင်း၊

(၂) အစိုးရတိုင်းသည် ဤနေရာ၌လက်မှတ်ရေးထိုးထားသော အစိုးရအဖွဲ့များနှင့် ပူးပေါင်းဆောင်ရွက်ရန်နှင့် ရန်သူများနှင့် သီးခြားအပစ်အခတ်ရပ်စဲရေး သို့တည်းမဟုတ် စစ်ပြေငြိမ်းချမ်းရေးမပြုလုပ်ရန် ကတိပြုပါကြောင်း၊

ဟစ်တလာဝါဒကို အောင်နိုင်ရန်အတွက် ကြိုးပမ်းမှုတွင် ထောက်ပံ့ကူညီပံ့ပိုးမှုများ ဆောင်ရွက်ပေးနေသည့် သို့တည်းမဟုတ်လျှင် ဆောင်ရွက်ကောင်းဆောင်ရွက်ပေးနိုင်မည့် အခြားနိုင်ငံများအနေဖြင့်လည်း အထက်ဖော်ပြပါကြေညာချက်ကို လိုက်နာကြနိုင်သည်။

လက်မှတ်ထိုးသူများ

အမေရိကန်စစ်သတင်းပြန်ကြားရေးရုံး၏ ကုလသမဂ္ဂပိုစတာ

၁၉၄၂ ခုနှစ် အမေရိကန်စစ်သတင်းပြန်ကြားရေးရုံးမှ ထုတ်လုပ်ခဲ့သော စစ်တွင်းမဟာမိတ် ၂၆ နိုင်ငံပြပိုစတာ

မူလလက်မှတ်ထိုးသူများ
ကြီးလေးကြီး	အမေရိကန်ပြည်ထောင်စု ယူနိုက်တက်ကင်းဒမ်း ဆိုဗီယက်ယူနီယံ တရုတ်
ဗြိတိသျှဓနသဟာယ၏ ဒိုမီနီယံများ	ဩစတြေးလျ ကနေဒါ နယူးဇီလန် ဒိုမီနီယံ တောင်အာဖရိကပြည်ထောင်စု
အမေရိကတိုက်ရှိ လွတ်လပ်သောနိုင်ငံများ	ပထမ ကော်စတာရီကန်သမ္မတနိုင်ငံ ကျူးဘား တတိယ ဒိုမီနီကန်သမ္မတနိုင်ငံ အယ်ဆာဗေဒို ဂွါတီမာလာ ဟေတီ ဟွန်ဒူးရပ်စ် နီကာရာဂွါ ပနားမား
ဥရောပ စစ်ပြေးအစိုးရများ	ဘယ်လ်ဂျီယံ ချက်ကိုစလိုဗားကီးယား တမ်းပလိတ်:နိုင်ငံ စာရင်းအင်း Kingdom of Greece ဂရိ လူဇင်ဘတ် နယ်သာလန် နော်ဝေ ပိုလန် ယူဂိုဆလားဗီးယား
ဗြိတိသျှအင်ပါယာ၏ မလွတ်လပ်သောနယ်မြေများ	အိန္ဒိယ
နောက်မှလက်မှတ်ထိုးသူများ
၁၉၄၂	အီသီယိုးပီးယား မက္ကဆီကို ဖိလစ်ပိုင် (၁၉၃၄–၁၉၄၆ အတွင်း အမေရိကန်နိုင်ငံ၏ ဓနသဟာယနယ်မြေ)
၁၉၄၃	ဘိုလီးဗီးယား ဘရာဇီး ကိုလံဘီယာ တမ်းပလိတ်:နိုင်ငံ စာရင်းအင်း Persia အီရန် တမ်းပလိတ်:နိုင်ငံ စာရင်းအင်း Kingdom of Iraq အီရတ်
၁၉၄၄	ပြင်သစ် လိုက်ဘေးရီးယား
၁၉၄၅	ချီလီ အီကွေဒေါ အီဂျစ် လက်ဘနွန် (၁၉၃၀–၁၉၄၆ အတွင်း ပြင်သစ်ပိုင် မန်ဒိတ်နယ်မြေ) ပါရာဂွေး ပီရူး ဆော်ဒီအာရေးဘီးယား ဆီးရီးယား (၁၉၃၀–၁၉၄၆ အတွင်း ပြင်သစ်ပိုင် မန်ဒိတ်နယ်မြေ) တူရကီ ဥရုဂွေး ဗင်နီဇွဲလား

ဆက်စပ်

• ဒုတိယကမ္ဘာစစ်အတွင်း စစ်ကြေညာမှုများ
• ကုလသမဂ္ဂ၏ သမိုင်း