ဒဂုံတက္ကသိုလ်
ဒဂုံတက္ကသိုလ်(Dagon University)သည် မြန်မာနိုင်ငံ၊ ရန်ကုန်မြို့၊ ဒဂုံမြို့သစ်အရှေ့ပိုင်းမြို့နယ်ထဲတွင် တည်ရှိသည်။ မြန်မာနိုင်ငံ၏ ကျောင်းသားဦးရေ အများဆုံးနှင့် အကြီးဆုံးသော တက္ကသိုလ်တစ်ခုဖြစ်သည်။ ၁၉၉၃ ခုနှစ်တွင်စတင်တည်ထောင်ခဲ့ပြီး ဝိဇ္ဇာဘာသာရပ်၊ သိပ္ပံဘာသာရပ် များကို သင်ကြားပို့ချလျက်ရှိသော တက္ကသိုလ်ဖြစ်သည်။
| ဒဂုံတက္ကသိုလ် | |
| Dagon University | |
| စိတ်ထားကောင်းမြတ် ကျင့်ဝတ်လိုက်နာ ပညာထူးချွန် လူရည်မွန်များမွေးဖွားရိပ်ခို ဒို့တက္ကသိုလ် | |
 |
|
| တည်ထောင်ခုနှစ် | ၁၉၉၃ |
| ပါမောက္ခချုပ် | ဒေါက်တာသာထွန်းမောင် [၁] |
| ဒုတိယပါမောက္ခချုပ် | ၁။ ဒေါက်တာစန်းစန်းမွှေး ၂။ ဒေါက်တာထိပ်တင်ဟန် ၃။ ဒေါက်တာမျိုးမင်း |
| တည်နေရာ | ဒဂုံမြို့သစ်အရှေ့ပိုင်းမြို့နယ် |
| အကျယ်အဝန်း | ၁၅၈၂.၁၄ ဧက |
| ပိုင်ဆိုင်မှု | ပညာရေးဝန်ကြီးဌာန |
| အဖွဲ့အစည်း | ပညာရေးဝန်ကြီးဌာန |
| ဝဘ်ဆိုတ် | dagonuniversity.edu.mm |
သမိုင်းကြောင်း
ပြင်ဆင်ရန်ဒဂုံတက္ကသိုလ်ကို ၁၉၉၃ ခုနှစ် အောက်တိုဘာလ (၂၇) ရက်နေ့တွင် ဖွင့်လှစ်ခဲ့ပြီး ကျောင်းသားများကို ၁၉၉၃ ခုနှစ် နိုဝင်ဘာလ (၁၅)ရက်နေ့တွင် စတင်လက်ခံသင်ကြားခဲ့သည်။ ခွင့်ပြုသည့် ကျောင်းသားဦးရေမှာ (၆၀၀၀၀) ဖြစ်သည်။ ၁၉၉၃-၉၄ ကျောင်းဖွင့်စ ပညာသင်နှစ်တွင် ဘာသာရပ်ဌာန(၈)ခု၌ ပထမနှစ် ကျောင်းသား၊ ကျောင်းသူ (၁၂၉၈) ဦးကို လက်ခံသင်ကြားပေးခဲ့သည်။[၂]၂၀၀၂-၂၀၀၃ ပညာသင်နှစ်အစတွင် ကျောင်းသားဦးရေ (၁၅၀၀၀) ကျော်ကို လက်ခံသင်ကြားပေးခဲ့သည်။ ၂၀၀၃-၂၀၀၄ ခု ပညာသင်နှစ်တွင် ကျောင်းသားဦးရေ (၂၁၄၆၃) ကိုလက်ခံသင်ကြားပေးခဲ့သည်။ ၂၀၀၄-၂၀၀၅ ခု ပညာသင်နှစ်တွင် ကျောင်းသားကျောင်းသူဦးရေ (၂၂၅၉၁)ကို လက်ခံသင်ကြားပေးခဲ့သည်။ ၂၀၀၅-၂၀၀၆ ခု ပညာသင်နှစ်တွင် ကျောင်းသားကျောင်းသူ ဦးရေ (၂၄၃၁၄) ကို လက်ခံသင်ကြားပေးခဲ့သည်။ ဒဂုံတက္ကသိုလ်မှ ဆရာ၊ ဆရာမများသည် အဝေးသင်ကျောင်းသားကျောင်းသူများ ၏သင်ကြားရေးကိုလည်း တာဝန်ယူဆောင်ရွက်ရသည်။ ၂၀၀၄-၂၀၀၅ ပညာသင်နှစ်တွင် ကျောင်းသားကျောင်းသူ ဦးရေစုစုပေါင်း (၅၉၁၄၄) ဦး၊ ၂၀၀၅-၂၀၀၆ ပညာသင်နှစ်တွင် ကျောင်းသားကျောင်းသူဦးရေ စုစုပေါင်း (၆၂၈၉၈) ဦး၏ သင်ကြားရေးကို တာဝန်ယူခဲ့သည်။
တည်နေရာ
ပြင်ဆင်ရန်မင်းရဲကျော်စွာလမ်း ၊ (၅၂) ရပ်ကွက် ၊ ဒဂုံမြို့သစ်အရှေ့ပိုင်းမြို့နယ် ၊ ရန်ကုန်မြို့တွင် တည်ရှိသည်။ အကျယ်အဝန်းမှာ ၁၅၈၂.၁၄ဧက ကျယ်ဝန်းသည်။
ဖွဲ့စည်းပုံ
ပြင်ဆင်ရန်ဒဂုံတက္ကသိုလ် ယာယီအုပ်ချုပ်ရေးကောင်စီ
ပြင်ဆင်ရန်ဒဂုံတက္ကသိုလ်၏ ကြားကာလအတွင်း အုပ်ချုပ်ရေးနှင့်ပညာရေးကိစ္စအဝဝကိုစီမံခန့်ခွဲနိုင်ရန်အတွက် ဒဂုံတက္ကသိုလ်ယာယီအုပ်ချုပ်ရေးကောင်စီ ကို ဆရာသမဂ္ဂ ကိုယ်စားလှယ်များ ၊ ကျောင်းသားသမဂ္ဂ ကိုယ်စားလှယ်များ ၊ ဝန်ထမ်းသမဂ္ဂ ကိုယ်စားလှယ်များဖြင့် ၂၀၂၁ ခုနှစ် ၊ ဧပြီလ ၂၂ ရက်နေ့တွင် ဖွဲ့စည်းခဲ့ပြီး အကြမ်းဖက်စစ်အုပ်စုအား တော်လှန်ရေးကာလအတွင်း တက္ကသိုလ်၏ စီမံခန့်ခွဲရေးဆိုင်ရာ အမြင့်ဆုံး အာဏာပိုင်အဖွဲ့အစည်းဖြစ်သည်။
ဘာသာရပ်သင်တန်းများ
ပြင်ဆင်ရန်အထူးပြုဘာသာရပ်ဌာန (၁၈) ခုရှိပြီးသင်ကြားပို့ချသော အထူးပြုဘာသာရပ်များအနက်
- ဝိဇ္ဇာဘာသာရပ်များအနေဖြင့် သင်ကြားပို့ချသော အထူးပြု ဘာသာရပ်များမှာ –
- မြန်မာစာ၊
- အင်္ဂလိပ်စာ၊
- ပထဝီဝင်၊
- သမိုင်း၊
- ဒဿနိကဗေဒ၊
- စိတ်ပညာ၊
- ဥပဒေပညာ၊
- အရှေ့တိုင်းပညာ၊
- နိုင်ငံတကာဆက်ဆံရေးပညာ၊
- မနုဿဗေဒ၊
- ရှေးဟောင်းသုတေသနပညာ၊
- မြန်မာမှုပညာ နှင့်
- ရသစာပေ တို့ဖြစ်သည်။
- သိပ္ပံဘာသာရပ်များမှာ
- ဓာတုဗေဒ၊
- ရူပဗေဒ၊
- သင်္ချာ၊
- သတ္တဗေဒ၊
- ရုက္ခဗေဒ၊
- ဘူမိဗေဒ၊
- ကုန်ထုတ်ဓာတုဗေဒ၊
- ဇီဝဓာတုဗေဒ၊
- မိုးလေဝသဗေဒ၊
- ဇလဗေဒ၊
- ကွန်ပျူတာသိပ္ပံ၊
- အဏုဇီဝဗေဒ၊
- ဇီဝနည်းပညာ နှင့်
- အားကစားပညာ တို့ဖြစ်သည်။
စုစုပေါင်း အထူးပြုဘာသာရပ်နှင့် ပေါင်းစပ် ဘာသာရပ်(၂၇) ခုကို ဒဂုံတက္ကသိုလ်တွင် သင်ကြားလျက်ရှိသည်။ စုစုပေါင်း ပုံမှန်နေ့သင်တန်း ကျောင်းသား ကျောင်းသူဦးရေမှာ (၂၄၃၁၄) ဦးဖြစ်သည်။
ဒဂုံတက္ကသိုလ်မှ အပ်နှင်းသော ဘွဲ့၊ မဟာဘွဲ့ နှင့် ပါရဂူဘွဲ့များ
ပြင်ဆင်ရန်| ဘာသာရပ် | ဘွဲ့ (Bachelor's) | မဟာဘွဲ့ (Master's) | ပါရဂူဘွဲ့ (Doctoral) |
|---|
တက္ကသိုလ် အကြီးအကဲများ
ပြင်ဆင်ရန်ဒဂုံတက္ကသိုလ်၏ ပါမောက္ခချုပ်များ
ပြင်ဆင်ရန်| # | အမည် | စတင်နှစ် | ပြီးဆုံးနှစ် |
|---|---|---|---|
| ၁ | ဦးကောင်းညွန့် | ၁၉၉၃ | ၁၉၉၈ |
| ၂ | ဒေါက်တာမောင်သင်း | ၁၉၉၈ | ၂၀၀၄ |
| ၃ | ဦးကျော်မြင့်ဦး | ၂၀၀၅ | ၂၀၀၇ |
| ၄ | ဦးဆန်း | ၂၀၀၇ | ၂၀၁၁ |
| ၅ | ဒေါက်တာလှဌေး | ၂၀၁၂ | ၂၀၁၆ |
| ၆ | ဒေါက်တာအေးအေးထွန်း | ၂၀၁၁ | ၂၀၁၇ |
| ၇ | ဒေါက်တာဝင်းနိုင် | ၂၀၁၇ | ၂၀၁၉ |
| ၈ | ဒေါက်တာသာထွန်းမောင် | ၂၀၂၁ | ယနေ့ထိ |
အသင်းအဖွဲ့များ
ပြင်ဆင်ရန်ကျောင်းသားများသမဂ္ဂ
ပြင်ဆင်ရန်ဒဂုံတက္ကသိုလ်ကျောင်းသားများသမဂ္ဂကို ၁၉၉၆ ခုနှစ် ၊ ဒီဇင်ဘာလ (၅) ရက်နေ့တ္ငင် စတင်ဖွဲ့စည်းခဲ့သည်။ စစ်အစိုးရ၏ ဖိနှိပ်မှုများကြောင့် ၁၉၉၆ ခုနှစ် ၊ ဒီဇင်ဘာလ (၉) ရက်နေ့တ္ငင် ဒဂုံတက္ကသိုလ်ကျောင်းသားများသမဂ္ဂက ဦးဆောင်ပြီး ၁၉၉၆ ကျောင်းသားလှုပ်ရှားမှု[၃]ကို စတင်ခဲ့သည်။ သမဂ္ဂ ဖွဲ့စည်းပြီး လပိုင်းအတွင်း ဖြိုခွင်း ဖမ်းဆီးခံခဲ့ရသည်။ ၂၀၁၂ ခုနှစ် ၊ ဇူလိုင်လ (၂၃) ရက်နေ့တ္ငင် သမဂ္ဂကို ပြန်လည်ဖွဲ့စည်းခဲ့သည်။ သမဂ္ဂရွေးကောက်ပွဲကို လျှို့ဝှက်ဆန္ဒမဲစနစ်ဖြင့် တစ်ကျောင်းလုံးမှဆန္ဒပြုကြသည်။ တတိယအကြိမ်မြောက် ဒဂုံတက္ကသိုလ် ကျောင်းသားများသမဂ္ဂ ဗဟိုအလုပ်မှုဆောင် အထွေထွေရွေးကောက်ပွဲကို ၂၀၁၉ ခုနှစ် ၊ ဇန်နဝါရီ ၂၅ ရက်တွင်ကျင်းပခဲ့ပြီး Future The DAGON အသင်း နှင့် Unity & Progress အသင်းတို့မှ ကျောင်းသားကိုယ်စားလှယ် ၂၈ ဦး ဝင်ရောက်ယှဉ်ပြိုင်ခဲ့သည်။[၄]
ကိုးကား
ပြင်ဆင်ရန်- ↑ ဧပြီလ ၂၃ ရက်နေ့ထုတ် ကြေးမုံသတင်းစာ။ ကြေးမုံသတင်းစာတိုက်။ 23 April 2021။ p. စာမျက်နှာ ၂။
- ↑ "History of Dagon University"။
- ↑ "၁၉၉၆ ဒဂုံတက္ကသိုလ် ကျောင်းသားလှုပ်ရှားမှု အမှတ်တရ"၊ ဘုန်းသက်ပိုင်၊ 4 August 2017။
- ↑ "ဒဂုံတက္ကသိုလ် ကျောင်းသားများသမဂ္ဂ၏ ဗဟိုအလုပ်အမှုဆောင် အထွေထွေရွေးကောက်ပွဲ ကျင်းပ"၊ Eleven Meida Group၊ 25 January 2019။