ပြည်ထောင်စုမြန်မာနိုင်ငံ တော်လှန်ရေးအစိုးရ

ဦးနေဝင်း၏ ဒုတိယအကြိမ်အစိုးရသည် ၁၉၆၂ မတ်လ ၂ ရက်နေ့တွင် တပ်မတော်မှ နိုင်ငံတော်အာဏာကိုသိမ်းပိုက်ပြီးနောက် တော်လှန်ရေးကောင်စီမှ ဖွဲ့စည်းခဲ့သောအစိုးရဖြစ်သည်။ မတ်လ ၃၀ ၌ အစိုးရအဖွဲ့၏အမည်ကို ပြည်ထောင်စုမြန်မာနိုင်ငံ တော်လှန်ရေးအစိုးရဟု ပြောင်းလဲသတ်မှတ်ခဲ့သည်။

ပြည်ထောင်စုမြန်မာနိုင်ငံ တော်လှန်ရေးအစိုးရ
အစိုးရအဖွဲ့၊ မြန်မာနိုင်ငံ
၁၉၆၂ – ၁၉၇၄
အကြီးအကဲ
ဖွဲ့စည်းရက်စွဲ	၂ မတ် ၁၉၆၂
ဖျက်သိမ်းရက်စွဲ	၂ မတ် ၁၉၇၄
လူပုဂ္ဂိုလ်နှင့် အဖွဲ့အစည်းများ
နိုင်ငံတော်ခေါင်းဆောင်	ဗိုလ်ချုပ်ကြီး နေဝင်း (တော်လှန်ရေးကောင်စီ ဥက္ကဋ္ဌ)
အစိုးရခေါင်းဆောင်	ဗိုလ်ချုပ်ကြီး နေဝင်း (တော်လှန်ရေးအစိုးရအဖွဲ့ ဥက္ကဋ္ဌ)
အဖွဲ့ဝင် ပါတီ	တပ်မတော်/မြန်မာ့ဆိုရှယ်လစ်လမ်းစဉ်ပါတီ
သမိုင်း
ယခင်	ပထစအစိုးရ
ဆက်ခံ	ဦးစိန်ဝင်းအစိုးရ

အစိုးရအဖွဲ့

နိုင်ငံတော် တော်လှန်ရေးကောင်စီ ကြေညာချက် အမှတ် ၂ ဖြင့် အစိုးရအဖွဲ့ဝင်များကို ကြေညာခဲ့ပြီး ကြေညာချက် အမှတ် ၁၂ တွင် အခြားဌာနများအတွက် ဆက်လက်ကြေညာခဲ့သည်။

စဉ်	အမည်	ဝန်ကြီးဌာန
၁	ဗိုလ်ချုပ်ကြီး နေဝင်း	နိုင်ငံတော်တော်လှန်ရေးအစိုးရအဖွဲ့ ဥက္ကဋ္ဌ၊ ဝန်ကြီးချုပ်ရုံး ကာကွယ်ရေးဝန်ကြီးဌာန၊ ဘဏ္ဍာရေးနှင့် အခွန်တော်ဝန်ကြီးဌာန၊ တရားရေးဝန်ကြီးဌာန၊အမျိုးသားစီမံကိန်းဝန်ကြီးဌာန
၂	ဗိုလ်မှူးချုပ် အောင်ကြီး	ကုန်သွယ်မှုနှင့် ကူးသန်းရောင်းဝယ်ရေးဝန်ကြီးဌာန၊ စက်မှုလက်မှုဝန်ကြီးဌာန၊ ပစ္စည်းထောက်ပံ့ရေးဝန်ကြီးဌာန
၃	ဗိုလ်မှူးချုပ် တင်ဖေ	လယ်ယာစိုက်ပျိုးရေးနှင့် သစ်တောရေးဝန်ကြီးဌာန၊ သမဝါယမနှင့် ကုန်စည်ဖြန့်ဖြူးရေးဝန်ကြီးဌာန၊ လယ်ယာမြေနိုင်ငံပိုင်ပြုလုပ်ရေးဝန်ကြီးဌာန
၄	ဗိုလ်မှူးချုပ် သန်းဖေ	ပညာရေးဝန်ကြီးဌာန၊ ကျန်းမာရေးဝန်ကြီးဌာန
၅	ဦးသီဟန်	နိုင်ငံခြားရေးဝန်ကြီးဌာန၊ အလုပ်သမားရေးဝန်ကြီးဌာန၊ အိမ်ရာဆောက်လုပ်ရေးဝန်ကြီးဌာန (ပြည်သူ့လုပ်ငန်းဌာနနှင့် ပြန်လည်ထူထောင်ရေးဌာန ပူးပေါင်း)၊ သတ္တုတွင်းဝန်ကြီးဌာန
၆	ဗိုလ်မှူးကြီး ကျော်စိုး	ပြည်ထဲရေးဝန်ကြီးဌာန၊ လူဝင်မှုကြီးကြပ်ရေးဝန်ကြီးဌာန (အမျိုးသားမှတ်ပုံတင်ရေးဌာန ပူးပေါင်း)၊ ဒီမိုကရေစီဒေသန္တရအုပ်ချုပ်ရေးနှင့် ဒေသန္တရအဖွဲ့များဝန်ကြီးဌာန၊ သာသနာရေးနှင့် လူမှုဝန်ထမ်းဝန်ကြီးဌာနမှ သာသနာရေးဌာနများ
၇	ဗိုလ်မှူးကြီး စောမြင့်	ပြန်ကြားရေးဝန်ကြီးဌာန၊ ယဉ်ကျေးမှုဝန်ကြီးဌာန၊ ကယ်ဆယ်ရေး၊ ပြန်လည်နေရာချထားရေး နှင့်အမျိုးသားစည်းလုံးညီညွတ်ရေးဝန်ကြီးဌာန၊ လူမှုဝန်ထမ်းနှင့်သာသနာရေးဝန်ကြီးဌာနမှ လူမှုဝန်ထမ်းဌာနများ
၈	ဒုတိယဗိုလ်မှူးကြီး ဘနီ	လမ်းပန်းဆက်သွယ်ရေးဝန်ကြီးဌာန (သယ်ယူပို့ဆောင်ရေးဌာနများကိုပူးပေါင်း)
၉	ဦးဘစိန်	ရှေ့နေချုပ်
၁၀	ဦးထွန်းအေး	ရှမ်းပြည်နယ်ဦးစီးအဖွဲ့ဥက္ကဋ္ဌ
၁၁	ဦးဒိန်ရတန်	ကချင်ပြည်နယ်ဦးစီးအဖွဲ့ဥက္ကဋ္ဌ
၁၂	ဒေါက်တာ စောလှထွန်း	ကရင်ပြည်နယ်ဦးစီးအဖွဲ့ဥက္ကဋ္ဌ
၁၃	ဦးအေမြလေး	ကယားပြည်နယ်ဦးစီးအဖွဲ့ဥက္ကဋ္ဌ
၁၄	ဦးဆန်ခိုလျှံ	ချင်းရေးရာဦးစီးအဖွဲ့ဥက္ကဋ္ဌ

ဆက်စပ်ဖတ်ရန်

• အိမ်စောင့်အစိုးရ (၁၉၅၈)
• ပြည်ထောင်စုတော်လှန်ရေးကောင်စီအဖွဲ့
• မြန်မာ့ဆိုရှယ်လစ်လမ်းစဉ်ပါတီခေတ်