ဖြူးမြို့နယ် သည် မြန်မာနိုင်ငံပဲခူးတိုင်းဒေသကြီးတောင်ငူခရိုင်ရှိ မြို့နယ်တစ်ခု ဖြစ်သည်။[၂] မြို့နယ်ရုံးစိုက်ရာမြို့မှာ ဖြူးမြို့ ဖြစ်သည်။ ရန်ကုန်-မန္တလေးကားလမ်းဟောင်းသည် ဖြူးမြို့နယ်ကို ဖြတ်သန်းဖောက်လုပ်ထားသည်။ ထို့ပြင်ဖြူး-အုတ်ဖြတ်-မုန်း(ကျောက်ကြီး)-ထန်းတပင်-‌ေတာင်ငူလမ်းကိုဖောက်လုပ်ပြီးဖြူးမြို့သည် ပိုမိုစည်ကားလာသည်။ ရန်ကုန်-မန္တ‌လေးအမြန်လမ်းသစ်ကြီး(AH-1)သည်လည်း ဖြူးမြို့၏နောက်ဘက် (၃) မိုင်ခန့်အကွာမှ ဖောက်လုပ်ထားသည်။ ရန်ကုန်-မန္တလေးမီးရထားလမ်းသည်လည်း ဖြူးမြို့မှဖြတ်၍ဖောက်လုပ်ထားသည်။အရှေ့ဘက်တွင် စစ်တောင်းမြစ်နှင့် အနောက်ဘက်တွင် ပဲခူးရိုးမတို့က ဝန်းရံထားသည်။ဖြူးချောင်းသည်မြို့လယ်တွင်ဖြတ်သန်းသွားပြီး၊ကွင်းချောင်းသည်မြို့၏တောင်ဘက်‌ေကျာက်တံခါးမြို့နယ်နှင့်နယ်နိမိတ်စည်းမျည်းဖြစ်သည်။ဖြူးမြို့သည်ပင်လယ်ရေမျက်နှာပြင်အထက်(၁၅၆)ပေအထက်တွင်တည်ရှိသည်။

ဖြူးမြို့နယ်
မြို့နယ်
ဖြူးမြို့နယ် သည် မြန်မာနိုင်ငံ တွင် တည်ရှိသည်
ဖြူးမြို့နယ်
ဖြူးမြို့နယ်
မြန်မာနိုင်ငံတွင်း တည်နေရာပြမြေပုံ
ကိုဩဒိနိတ်: 18°29′N 96°19′E / 18.483°N 96.317°E / 18.483; 96.317ကိုဩဒိနိတ်: 18°29′N 96°19′E / 18.483°N 96.317°E / 18.483; 96.317
နိုင်ငံ မြန်မာ
တိုင်းဒေသကြီးပဲခူးတိုင်းဒေသကြီး
ခရိုင်တောင်ငူခရိုင်
မြို့နယ်ရုံးစိုက်ရာမြို့ဖြူးမြို့
လူဦးရေ (၂၀၁၄)[၁]၂၅၇,၂၇၃
အချိန်ဇုန်မြန်မာစံတော်ချိန် (UTC+6.30)

အုပ်ချုပ်ရေးနယ်မြေဖွဲ့စည်းမှုပြင်ဆင်

  1. မြို့နယ်(၁)မြို့(ဖြူးမြို့)
  2. မြို့(၃)မြို့(ဇေယျဝတီ၊ညောင်ပင်သာ၊ကညွတ်ကွင်း)
  3. ရပ်ကွက်(၁၈)ခု
  4. ကျေးရွာအုပ်စု(၅၈)ရွာ
  5. ကျေးရွာ(၃၁၃)ရွာ

နယ်နိမိတ်ပြင်ဆင်

ဖြူးမြို့နယ်၏ အရှေ့ဘက်တွင် ထန်းတပင်မြို့နယ်၊ ကျောက်ကြီးမြို့နယ်၊ အနောက်ဘက်တွင် နတ္တလင်းမြို့နယ်၊‌ ပေါက်ခေါင်းမြို့နယ်၊ တောင်ဘက်တွင် ကျောက်တံခါးမြို့နယ်၊ မြောက်ဘက်တွင် အုတ်တွင်းမြို့နယ်တို့နှင့် ထိစပ်နေသည်။

ပညာရေးပြင်ဆင်

ဖြူးမြို့နယ်လုံးတွင် အထက်တန်းကျောင်း ၁၂ ကျောင်းရှိသည်။

  1. အထက (၁)ဖြူး၊ဆေးရုံရပ်ကွက်
  2. အထက (၂)ဖြူး၊အုတ်ဖြတ်ရပ်ကွက်
  3. အထက (၃)ဖြူး၊ထန်းကုန်းရပ်ကွက်
  4. အထက (၁)ဇေယျဝတီ၊ဂျေပူကျေးရွာ
  5. အထက (၂)ဇေယျဝတီ၊မြို့မ(၂)ရပ်ကွက်
  6. အထက (ညောင်ပင်သာ)၊ညောင်ပင်သာမြို့
  7. အထက (၁)ကညွတ်ကွင်း၊အရှေ့(၁)ရပ်ကွက်
  8. အထက (၂)ကညွတ်ကွင်း၊အနောက်(၁)ရပ်ကွက်
  9. အထက (ဘန်းလောင်)၊ဘန်းလောင်ကျေးရွာအုပ်စု
  10. အထက (ဝဲကြီး)၊ဝဲကြီးကျေးရွာအုပ်စု
  11. အထက (လှေဒုံး)၊လှေဒုံးကျေးရွာ
  12. အထက (ဘုရားလဟာ)၊ဘုရားလဟာကျေးရွာ
  13. အထက(အုတ်ဖြတ်)အုတ်ဖြတ်ကျေးရွာ

အထက်တန်းကျောင်း(ခွဲ)(၁၀)ကျောင်း၊ အလယ်တန်းကျောင်း(၆)ကျောင်း၊ အလယ်တန်းကျောင်း(ခွဲ)(၃၆)ကျောင်း၊မူလတန်းလွန်ကျောင်း(၁၅၁)ကျောင်း နှင့် မူလတန်းကျောင်း(၅)ကျောင်း ရှိသည်။

ကျန်းမာရေးပြင်ဆင်

ဖြူးမြို့တွင် ကုတင်(၁၀၀)ဆံ့ပြည်သူ့ဆေးရုံ(ဖြူး)၊ (၂၅) ကုတင်ဆံ့ဆေးရုံ (ကညွတ်ကွင်း)၊ (၁၆)ကုတင်ဆံ့‌ ဆေးရုံ (၄)ရုံ(‌ဇေယျဝတီ၊ညောင်ပင်သာ၊ ဝဲကြီး၊ကျော်လှ)၊ ပုဂ္ဂလိကဆေးရုံ(၂)ရုံ၊ ကျေးလက်ကျန်းမာရေးဌာန(၁၀)ခု၊ နှင့် ဌာနခွဲ(၃၉)ခုရှိသည်။


ကိုးကားပြင်ဆင်

  1. (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၅၅။ 
  2. "Myanmar States/Divisions & Townships Overview Map" Myanmar Information Management Unit (MIMU)