ဘီလူးမြို့ဟောင်း
ဘီလူးမြို့ဟောင်းသည် ကချင်ပြည်နယ် မိုးညှင်းမြို့၏ မြောက်ဘက် ၆ မိုင်ခန့်အကွာတွင်တည်ရှိသည်။ ရှေးကျသောသမိုင်းကြောင်းရှိသည်။ ယခုအခါကျေးရွာအဖြစ် တည်ရှိသည်။
| ဘီလူးမြို့ဟောင်း | |
|---|---|
| ကျေးရွာ | |
  ဘီလူးမြို့ဟောင်း | |
| ကိုဩဒိနိတ်: 24°50′22″N 96°20′51″E / 24.839319°N 96.347503°Eကိုဩဒိနိတ်: 24°50′22″N 96°20′51″E / 24.839319°N 96.347503°E | |
| နိုင်ငံ |  မြန်မာ |
| ပြည်နယ် | ကချင်ပြည်နယ် |
| ခရိုင် | မိုးညှင်းခရိုင် |
| မြို့နယ် | မိုးညှင်းမြို့နယ် |
| အချိန်ဇုန် | မြန်မာစံတော်ချိန် (UTC+ ၆ နာရီ ၃၀ မိနစ်) |
သမိုင်း
ပြင်ဆင်ရန်ဘီလူးမြို့(ယက္ခပူရ)ဟူ၍ ဖြစ်ပေါ်လာမည့်နေရာတွင် ယခင်က ဘီလူးများ မြို့ပြတည်ထောင်နေထိုင်ကြသည်။ ယင်း၏အရှေ့ဘက်ကောက်ကွေ့လွင်ပြင် ဧရာဝတီမြစ် အနောက်ဘက်ကမ်းတွင် ကျခတ်အမည်ရှိ မြို့ပြနိုင်ငံတစ်ခုရှိခဲ့သည်။ ဘီလူးမြို့မှ ဘီလူးမင်းသမီးတစ်ယောက်သည် နာနာရုပ်အတတ်ဖြင့် ကျခတ်ပြည်ဘုရင် ထံတွင် မိဖုရားဖြစ်အောင်ကြိုးပမ်းပြီးနောက် အခြားမိဖုရားများကို နန်းတော်မှ နှင်ထုတ်ခဲ့သည်။ မိဖုရားတစ်ဦး၏သားသည် ကြီးပြင်းလာသောအခါ ဖခင်ထံတွင် အမှုထမ်းပြီးနောက် ယင်းမိဖုရားအယောင်ဆောင် ဘီလူးမကို သုတ်သင်နိုင်ခဲ့ပြီး ခမည်းတော် နတ်ရွာစံချိန်တွင် ဘုရင်ဖြစ်လာခဲ့သည်။ ကျခတ်ပြည်တွင် လူဦးရေတိုးပွားလာသဖြင့်လည်းကောင်း၊ ဘီလူးများအား နှိမ်နှင်းလိုသဖြင့်လည်းကောင်း အဆိုပါဘုရင်သည် ဘီလူးမြို့အား တိုက်ခိုက်သိမ်းပိုက်ပြီး မြို့တော်ကို ကျခတ်မှ ဘီလူမြို့သို့ပြောင်းရွှေ့ခဲ့သည်။ စစ်ရှုံးသွားသောဘီလူးများသည် တောင်ဘက်သို့ ဆုတ်ခွာထွက်ပြေးကြပြီး ပင်လယ်ဝရှိ ကျွန်းတစ်ကျွန်းတွင် နေထိုင်ကြသည်။ ထို့ကြောင့်ယင်းကျွန်းကို ဘီလူးကျွန်းဟု ခေါ်ကြသည်။ ယင်းကျွန်းများမှ ဘီလူးများသည် မွန်လူမျိုးများနှင့် စစ်ဖြစ်ရာ ရှုံးနိမ့်ပြီး ပင်လယ်တွင်းသို့ ထွက်ပြေးကြပြီး မာလာယုကျွန်းဆွယ်ဖက်သို့ လည်းကောင်း၊ ကျွန်းများတွင်လည်းကောင်း၊ ပင်လယ်ထဲတွင် လှေများဖြင့်လည်းကောင်း နေထိုင်သည့်လူမျိုးများ ဖြစ်သွားကြသည်။
ဘီလူးမြို့တွင် ဘုရင်အဆက်ဆက် ထီးနန်းစိုးစံကြပြီးနောက် ကာလကြာသော် တောင်ဘက်ရှိ ပျူလူမျိုးများ အင်အားကြီးမားလာသည်။ သရေခေတ္တရာရှိ ဒွတ္တဘောင်မင်းသည် အင်အားကြီးမားလာပြီးဗိဿနိုးမြို့ကိုသိမ်းယူသည်။ ထို့နောက် ဘီလူးမြို့ကို ချီတက်တိုက်ခိုက်အောင်မြင်ခဲ့သည်။ ဘီလူးမြို့သားများသည် ရန်သူ့ထံအညံ့မခံဘဲ တွင်းကြီးတစ်တွင်းတူးပြီး ကန့်စသည့် ပေါက်ကွဲစေတတ်သည့်ဆေးများဖြင့် ဖောက်ခွဲကာ အဆုံးစီရင်ခဲ့ကြသည်။ ယင်းတွင်းကြီးအား ဘီလူးမြို့ဟောင်းတွင် ယနေ့တိုင် တွေ့မြင်နိုင်သည်။