ယောဂတရား

• ဝဋ်ဆင်းရဲ၌ သတ္တဝါတို့ကို-ယှဉ်စေ–တုပ်နှောင်ဖွဲ့ချည်တတ်သောကြောင့် လည်းကောင်း,
• ကံ၏ အကျိုးတရားနှင့် ယှဉ်စေတတ်သောကြောင့် လည်းကောင်း,
• ကာယိကဒုက္ခ စေတသိကဒုက္ခဟုဆိုအပ်သော ဒုက္ခအမျိုးမျိုး နှင့် ယှဉ်စေတတ်သောကြောင့် လည်းကောင်း,
• ဘဝ တစ်ပါးကို ဘဝတစ်ပါးနှင့်-
• ယောနိ တစ်ပါးကို ယောနိတစ်ပါးနှင့်-
• ဂတိတစ်ပါးကို ဂတိတစ်ပါးနှင့်-
• ဝိညာဏဋ္ဌိတိ တစ်ပါးကို ဝိညာဏဋ္ဌိတိတစ်ပါးနှင့်-
• သတ္တာဝါသတစ်ပါးကို သတ္တာဝါသ တစ်ပါးနှင့်- ယှဉ်စေ-ဆက်စပ်ပေး-တတ်သောကြောင့် လည်းကောင်း။

• တနည်း-ဘဝစက်ယန္တရား၌ သတ္တဝါတို့ကို-ကံ၏အကျိုးတရား-ဝဋ်ဒုက္ခနှင့် ယှဉ်စေတတ်သောကြောင့် လည်းကောင်း,
• ဘဝတစ်ပါးကို ဘဝတစ်ပါးနှင့်–
• ယောနိတစ်ပါးကို ယောနိတစ်ပါးနှင့်-
• ဂတိ တစ်ပါးကို ဂတိတစ်ပါးနှင့်–
• ဝိညာဏဋ္ဌိတိ တစ်ပါးကို ဝိညာဏဌိတိတစ်ပါးနှင့်-
• သတ္တာဝါသတစ်ပါးကို သတ္တာဝါသတစ်ပါးနှင့်- ယှဉ်စေ-ဆက်စပ်ပေး တတ်သောကြောင့် လည်းကောင်း,

လောဘ ဒိဋ္ဌိ မောဟတရား ဟုဆိုအပ်သောတရား ၃-ပါးတို့ကို “ယောဂ”ဟု ခေါ်ဆိုသည်။

ယောဂ ၄-ပါး

ယင်းယောဂတရားသည်-

• (၁) ကာမယောဂ = အာရုံ ၅-ပါးကာမဂုဏ် တရားလျှင် အာရုံရှိသောရာဂ (လောဘ)။
• (၂) ဘဝယောဂ = ရူပဘဝ, အရူပဘဝတို့၌ ကပ်ငြိ တွယ်တာတတ်သော ဆန္ဒရာဂ (လောဘ)နှင့် ဈာန်တရားတို့၌ ကပ်ငြိတွယ်တာတတ်သော တဏှာ (လောဘ)။
• (၃) ဒိဋ္ဌိယောဂ-သဿတဒိဋ္ဌိနှင့် အတူတကွ ဖြစ်သည့် ရာဂ (လောဘ)နှင့် မိစ္ဆာဒိဋ္ဌိ ၆၂-ပါး။
• (၄) အဝိဇ္ဇာယောဂ = သစ္စာ ၄-ပါးတရားတို့၌ မသိသော “မောဟ”ဟူ၍ ၄-ပါးရှိ၏။

ပရမတ္ထတရားကိုယ်အားဖြင့်ကား–လောဘ ဒိဋ္ဌိ မောဟ-ဟူ၍ ၃-ပါးသာ ရှိလေသည်။ (ယောဂ ၄-ပါးအကျယ်ကို တို့ကြည့်။)

တိပိဋကအဘိဓာန်၌ လာသော ယောဂ၏ အဓိပ္ပါယ်များ

• (၁) ဝဋ်ဆင်းရဲ၌ သတ္တဝါတို့ကို- ယှဉ်စေ-တုပ်နှောင်ဖွဲ့ချည်-တတ်သောတရား၊ ယောဂတရား။
• (၂) ယှဉ်တတ်သော၊ သူ။
• (၃) ယှဉ်စေတတ်သော၊ သူ။
• (၄) သင့်လျော်-လျောက်ပတ်-သော။
• (၅) ကြိုးစား-အားထုတ်-လုံ့လပြု-သော။
• (၆) ကြိုးစား-အားထုတ်-လုံ့လပြု-အပ်-သင့်-သော။
• (၇) ယှဉ်-စပ်-အပ်သေး။
• (၈) ဆေးစီရင်-ဆေးဝါးဖော်စပ် ထားအပ်သော။
• (၉) (က) (၃၈-ပါးသော ကမ္မဋ္ဌာန်းအာရုံတို့၌) ယှဉ်ခြင်း၊ နှလုံးသွင်းခြင်း။
• (ခ) (ကမ္မဋ္ဌာန်း ဘာဝနာကို) အားထုတ်-အလွန်အားထုတ် အကြိမ်ကြိမ်အဖန်ဖန်အားထုတ်-ခြင်း။
• (ဂ) ယှဉ်-စပ်-ခြင်း။
• (၁၀) ဖော်စပ်အပ်သော ဆေးဝါး၊
• (၁၁) အားထုတ်အပ်သော ကမ္မဋ္ဌာန်းဘာဝနာ။
• (၁၂) အကြောင်းယုတ္တိ၊ အကြောင်းဥပါယ်။
• (၁၃) အသင့်ယုတ္တိ။
• (၁၄) နည်း၊ နည်းလမ်း။
• (၁၅) အနှောင် အဖွဲ့၊ အလိုနိုင်ငံ။
• (၁၆) ဈာန်။
• (၁၇) (လူနတ်တို့၌ ဖြစ်သော) အသက်နှင့်အာရုံ ၅-ပါး ကာမဂုဏ်တရား။
• (၁၈) ဉာဏ်ပညာ။
• (၁၉) ဉာဏ်ဝီရိယ၊
• (၂၀) ဂါထာ, မန္တန် (ဝိဇ္ဇာ) ကို-မန်းမှုတ်-စုပ်-စိပ်-ခြင်းစသော-လုံ့လပယောဂ-အစီအရင်။
• (၂၁) အချိန် အခါ၊ သမယ။
• (၂၂) သံယောဇဉ်၊
• (၂၃) ဘေးအန္တရာယ်။
• (၂၄) ကံ, ကြမ္မာ, အမှု၊
• (၂၅) (အိမ်ကျောင်းတို့၏) အမိုး။
• (၂၆) ယောဂခေါ်အဘိဓမ္မာကျမ်း။
• (၂၇) (သဒ္ဒါ ကျမ်းလာ)သုတ်၊ သဒ္ဒါသုတ်။
• (၂၈) သဒ္ဒါကျမ်းလာ ယောဂ ၃-ပါး။
• (၂၉) ယောဂသုတ်။