ပင်မမီနူးကို ဖွင့်ရန်

ဆေးတက္ကသိုလ်(မကွေး)

(မကွေးဆေးတက္ကသိုလ် မှ ပြန်ညွှန်းထားသည်)

မကွေးဆေးတက္ကသိုလ် (အင်္ဂလိပ်: University of Medicine, Magway) သည် မကွေးတိုင်းဒေသကြီးမကွေးမြို့တွင် တည်ရှိသည်။ မကွေးဆေးတက္ကသိုလ်ကို ၂၀၀၁ ခုနှစ် မေလတွင် မကွေးမြို့၌ ဖွင့်လှစ်ခဲ့သည်။ ရန်ကုန် - မန္တလေး (အနောက်ဘက်လမ်း) လမ်းမကြီးဘေးတွင် မကွေးမြို့မှ ရေနံချောင်းဘက်သို့ အထွက်တွင် တည်ရှိသည်။ မကွေးမြို့မှ (၆) မိုင်ခန့် ကွာဝေးသည်။

ဆေးတက္ကသိုလ် (မကွေး)
University of Medicine, Magway.jpg
ဆောင်ပုဒ်ဥပဌာနံ အနုကမ္မာ ဒယာ
အင်္ဂလိပ်ဘာသာ ဆောင်ပုဒ်
Service, Sympathy, Humanity
အမျိုးအစားအများဆိုင်
တည်ထောင်မေ ၂၂၊ ၂၀၀၁ (၂၀၀၁-၀၅-၂၂)
ပါမောက္ခချုပ်ဒေါက်တာဌေးလှ
တည်နေရာမကွေးမြို့မကွေးတိုင်းဒေသကြီးမြန်မာနိုင်ငံ
နှီးနွယ်အဖွဲ့အစည်းများကျန်းမာရေးနှင့် အားကစား ဝန်ကြီးဌာန
ဝဘ်ဆိုဒ်ummg.gov.mm
UMMG Logo.svg
ဆေးတက္ကသိုလ်(မကွေး)၏ အဓိကဝင်ပေါက်

သင်တန်းကာလမှာ ၅ နှစ် ၊ အလုပ်သင် ၁ နှစ် စုစုပေါင်း ၆ နှစ်ကြာ တက်ရောက်ရသော ကျောင်းဖြစ်သည်။ နှစ်စဉ် ကျောင်းသား ဦးရေ ၁၀ဝ ဝန်းကျင်ခန့်ကို လက်ခံသင်ကြားပေးသည်။ တက္ကသိုလ်ဝင်တန်းစာမေးပွဲတွင် မြန်မာတစ်နိုင်ငံလုံးရှိ ဆေးတက္ကသိုလ်များအတွက် တပြေးညီ သတ်မှတ်ထားသော ရမှတ်ရရှိသူများအား လက်ခံ သင်ကြားပေးသည်။ အမ်ဘီဘီအက်စ် ဘွဲ့၊ နှင့် ဆေးဘက်ဆိုင်ရာ ဘွဲ့လွန်ဒီဂရီများအား တက်ရောက်ရယူနိုင်သည်။ ၂၀၁၁ ခုနှစ် မေလ ၂၂ ရက်နေ့တွင် ဆေးတက္ကသိုလ်မကွေး ၏ ဆယ်နှစ်ပြည့်အခမ်းအနားကို ကျင်းပခဲ့သည်။

ဆေးတက္ကသိုလ်(မကွေး)သည် Educational Commission for Foreign Medical Graduates က မြန်မာနိုင်ငံအတွင်း အသိအမှတ်ပြုသော ကျောင်း ၄ ကျောင်းအနက် တစ်ကျောင်းလည်းဖြစ်သည်။

လက်ရှိ ပါမောက္ခချုပ်မှာ ဒေါက်တာဌေးလှ ဖြစ်သည်။ ဒုတိယ ပါမောက္ခချုပ် (စီမံ)မှာ ဒေါက်တာအေးအေးဦး ဖြစ်ပြီး ဒုတိယပါမောက္ခချုပ်(သင်ကြား)မှာ ဒေါက်တာလှဝင်းမြင့် ဖြစ်ပါသည်။

သင်ကြားပေးသော ဘာသာရပ်များပြင်ဆင်

ပထမနှစ် အမ်ဘီဘီအက်စ်ပြင်ဆင်

ဒုတိယနှစ် အမ်ဘီဘီအက်စ်ပြင်ဆင်

  • ခန္ဓာဗေဒ (Human Anatomy)
  • ဇီဝဓာတုဗေဒ (Biochemistry)
  • ဇီဝကမ္မဗေဒ (Physiology)

တတိယနှစ် အမ်ဘီဘီအက်စ်ပြင်ဆင်

နောက်ဆုံးနှစ် အပိုင်း (က) အမ်ဘီဘီအက်စ်ပြင်ဆင်

  • ရောဂါဗေဒ (Systemic Pathology)
  • ကာကွယ်ရေးနှင့် လူမှူရေး ဆေးပညာ (Preventive and Social Medicine)
  • ဥပဒေရေးရာ ဆေးပညာ (Forensic Medicine)
  • ဥပဒေရေးရာဆေးပညာ လက်တွေ့ ကွင်းဆင်းလေ့လာရေး (Field Trip)
  • ဆေးပညာ (Medicine)
  • ခွဲစိတ်ကုသပညာ (Surgery)
  • သားဖွားနှင့်မီးယပ်ပညာ (Obstetric and Gynaecology)
  • ကလေးကျန်းမာပညာ (Paediatrics)

နောက်ဆုံးနှစ် အပိုင်း (ခ) အမ်ဘီဘီအက်စ်ပြင်ဆင်

  • ဆေးပညာ (Medicine)
  • ခွဲစိတ်ကုသပညာ (Surgery)
  • သားဖွားနှင့်မီးယပ်ပညာ (Obstetric and Gynaecology)
  • ကလေးကျန်းမာပညာ (Paediatrics)

အလုပ်သင် ဆရာဝန်ပြင်ဆင်

 
ဆေးတက္ကသိုလ်(မကွေး)၏ သင်ကြားရေးဆေးရုံ

နောက်ဆုံးနှစ် အပိုင်း(ခ) အောင်မြင်ပြီးသော သင်တန်းသားများသည် သက်ဆိုင်ရာ ပြည်နယ်နှင့်တိုင်းအဆင့် ဆေးရုံကြီးများတွင် အလုပ်သင်ဆရာဝန်အဖြစ် ၁ နှစ်ခန့် လေ့ကျင့်သင်ကြားရသည်။ အလုပ်သင်ဆရာဝန်အဖြစ် သက်မှတ်ကာလပြည့်မီအောင် လေ့ကျင့်ပြီးစီးသော သင်တန်းသားများကိုသာလျှင် အမ်ဘီဘီအက်စ်ဘွဲ့ အား ချီးမြင့်သည်။

အောက်ပါမြို့များရှိ ဆေးရုံများတွင် အလုပ်သင်ဆရာဝန်အဖြစ် လျောက်ထားနိုင်သည်။

  1. မကွေးမြို့
  2. မုံရွာမြို့
  3. မော်လမြိုင်မြို့
  4. တောင်ကြီးမြို့
  5. လားရှိုးမြို့
  6. ကျိုင်းတုံမြို့
  7. မြစ်ကြီးနားမြို့
  8. ဘားအံမြို့
  9. ထားဝယ်မြို့
  10. မြိတ်မြို့
  11. ပုသိမ်မြို့
  12. မအူပင်မြို့
  13. ပြည်မြို့
  14. တောင်ငူမြို့
  15. စစ်တွေမြို့
  16. မိတ္ထီလာမြို့
  17. ပခုက္ကူမြို့
  18. နေပြည်တော်

ဆက်စပ်ဖတ်ရှုရန်ပြင်ဆင်

ကိုးကားပြင်ဆင်

ပြင်ပလင့်ခ်ပြင်ဆင်