မာနယ်ပလော
မာနယ်ပလော (ကရင်: မၤနၢၤပျီ; အင်္ဂလိပ်: Manerplaw) သည် မြန်မာနိုင်ငံ၊ ကရင်ပြည်နယ်တွင် တည်ရှိခဲ့သော ရွာတစ်ရွာ ဖြစ်သည်။ ယင်းကို ကရင်လူမျိုးများ အုပ်ချုပ်သော လွတ်လပ်သည့်ပြည်နယ် ကော့သူးလေ၏ မြို့တော်အဖြစ် အဆိုပြုခဲ့ကြသည်။ မာနယ်ပလောကို ၁၉၇၅ ခုနှစ်တွင် တည်ထောင်ခဲ့ပြီး[၂] ၁၉၉၂ ခုနှစ်တွင် အစိုးရစစ်တပ်၏ တိုက်စစ်ကြောင့် နေထိုင်သူများ မစွန့်ခွာမီက လူဦးရေ ၃,၀၀၀ ခန့် ရှိခဲ့သည်။[၁] ကရင်ပြည်နယ်တွင် ရွာအဖြစ် ၁၉၇၅ တွင် တည်ထောင်ခဲ့သည်။
| မာနယ်ပလော မၤနၢၤပျီ | |
|---|---|
| ရွာပျက် | |
  မာနယ်ပလော | |
| ကိုဩဒိနိတ်: 17°43′30″N 97°44′6″E / 17.72500°N 97.73500°Eကိုဩဒိနိတ်: 17°43′30″N 97°44′6″E / 17.72500°N 97.73500°E | |
| နိုင်ငံ |  မြန်မာ |
| ပြည်နယ် | ကရင်ပြည်နယ် |
| ခရိုင် | ဖာပွန်ခရိုင် |
| မြို့နယ် | ဖာပွန်မြို့နယ် |
| တည်ထောင် | ၁၉၇၅ |
| စွန့်ပစ် | ၁၉၉၅ |
| လူဦးရေ (မထွက်ပြေးမီ) | ၃,၀၀၀[၁] |
| အချိန်ဇုန် | မြန်မာစံတော်ချိန် (UTC+6.30) |
ကရင် အမျိုးသား အစည်းအရုံး (KNU)၊ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF)၊ လူ့ဘောင်သစ်ဒီမိုကရက်တစ်ပါတီ၊ အမျိုးသား ဒီမိုကရေစီ အင်အားစု၊ ပြည်ထောင်စု မြန်မာနိုင်ငံ အမျိုးသားညွန့်ပေါင်းအစိုးရ အပါအဝင် အတိုက်အခံအဖွဲ့အစည်းများ၏ ဌာနချုပ်သည် မာနယ်ပလောတွင် တည်ရှိခဲ့သည်။[၂]
မာနယ်ပလောကို တပ်မတော်နှင့် ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် (ဒီကေဘီအေ) တပ်ဖွဲ့များက ၁၉၉၅ ခုနှစ် ဇန်နဝါရီ ၂၇ တွင် တိုက်ခိုက် သိမ်းပိုက်ခဲ့ပြီး နောက်ပိုင်းတွင် စွန့်ပစ်ခဲ့သည်။[၃]
ကိုးကား
ပြင်ဆင်ရန်- ↑ ၁.၀ ၁.၁ The Ethnic Minority Fighting a Burmese Onslaught။ Journeyman Pictures (April 1992)။ 24 April 2016 တွင် ပြန်စစ်ပြီး။
- ↑ ၂.၀ ၂.၁ The Politics of Pressure: The 1990's and the Fall of Manerplaw။ The Museum of Karen History and Culture။ 19 April 2018 တွင် ပြန်စစ်ပြီး။
- ↑ The Fall of Manerplaw. KHRG Commentary February 1995။ 20 April 2017 တွင် ပြန်စစ်ပြီး။