မြင့်လှိုင်
ဦးမြင့်လှိုင် သည် မြန်မာနိုင်ငံ လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန၏ ပြည်ထောင်စု ဝန်ကြီးအဖြစ် တာဝန်ထမ်းဆောင်ခဲ့သူ ဖြစ်သည်။[၂] သူသည် တပ်မတော်မှ ဒုတိယ ဗိုလ်ချုပ်ကြီး ရာထူးဖြင့် အနားယူခဲ့သူ ဖြစ်ပြီး လေကြောင်းရန် ကာကွယ်ရေးတပ်ဖွဲ့ အရာရှိချုပ် အဖြစ် တာဝန်ထမ်းဆောင်ခဲ့သူလည်း ဖြစ်သည်။[၂] ရှမ်းပြည်နယ် လားရှိုးမြို့ အခြေစိုက် အရှေ့မြောက်ပိုင်းတိုင်းစစ်ဌာနချုပ် တိုင်းမှူးအဖြစ်လည်း တာဝန်ထမ်းဆောင်ခဲ့သည်။
မြင့်လှိုင် | |
|---|---|
| လယ်ယာစိုက်ပျိုးရေးနှင့် ဆည်မြောင်း ဝန်ကြီးဌာန ဝန်ကြီး | |
| တာဝန်သက်တမ်း ၃၀ မတ် ၂၀၁၁ – ၃၀ မတ် ၂၀၁၆ | |
| ယခင်လူ | ဦးဌေးဦး |
| ဆက်ခံသူ | ဒေါက်တာအောင်သူ |
| ပြည်သူ့လွှတ်တော် ကိုယ်စားလှယ် | |
| တာဝန်သက်တမ်း ၃၁ ဇန်နဝါရီ ၂၀၁၁ – ၃၀ မတ် ၂၀၁၁ | |
| ယခင်လူ | အခြေခံဥပဒေ စတင် |
| ဆက်ခံသူ | နိုင်ငံလင်း (NLD) |
| မဲဆန္ဒနယ် | ဒက္ခိဏသီရိမြို့နယ် |
| အနိုင်ရမဲ အရေအတွက် | ၁၃,၃၉၈ (၉၀.၁၄%)[၁] |
| အရာရှိချုပ် လေကြောင်းရန် ကာကွယ်ရေး | |
| တာဝန်သက်တမ်း မေ ၂၀၀၆ – သြဂုတ် ၂၀၁၀ | |
| ဆက်ခံသူ | ဒုတိယဗိုလ်ချုပ်ကြီး စိန်ဝင်း |
| ကိုယ်ရေး အချက်အလက်များ | |
| မွေးဖွား | ၁၃ ဩဂုတ်၊ ၁၉၅၃ မိုးကုတ်မြို့၊ မြန်မာနိုင်ငံ |
| လူမျိုး | မြန်မာ |
| နိုင်ငံရေးပါတီ | ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ |
| ကြင်ဖော်(များ) | ခင်သန့်စင် |
| စစ်မှုထမ်းခြင်း | |
| သစ္စာခံနိုင်ငံ | မြန်မာနိုင်ငံ |
| တပ်/တပ်ဖွဲ့ခွဲ | တပ်မတော် |
| အမှုထမ်းကာလ | ၁၉၇၀ -၂၀၁၀ |
| ရာထူး | ဒုတိယ ဗိုလ်ချုပ်ကြီး |
ငယ်ဘဝ
ပြင်ဆင်ရန်သူသည် ငယ်စဉ်က ပညာရေးကို ဇာတိမွေးရပ်မြေ မှာပင် ဆည်းပူးခဲ့သည်။ဆယ်တန်းအောင်ပြီးနောက် စစ်တက္ကသိုလ် အပတ်စဉ် (၁၇) သို့ တက်ရောက်သည်။ ဝန်ကြီးဟောင်း ဦးခင်ရီ ၊ လေတပ်ဦးစီးချုပ် ဟောင်း ဦးမြတ်ဟိန်း တို့နှင့် အပတ်စဉ် တူသည်။[၃] ယခင် တပ်မတော်အစိုးရ ဒုတိယအကြီးအကဲ ဦးမောင်အေး ၏ ကိုယ်ရေးအရာရှိ အဖြစ် ထမ်းဆောင်ဖူးသည်။သူသည် တပ်မတော် တွင် ၂၀၁၀ ပြည့်နှစ် ရှေ့ပိုင်းကာလများအတွင်း အသက်အငယ်ဆုံး တိုင်းမှူး၊အသက်အငယ်ဆုံး ဒုတိယဗိုလ်ချုပ်ကြီး အဖြစ် စာရင်းဝင်သည်။ [၄]
နိုင်ငံရေးသမားဘဝ
ပြင်ဆင်ရန်သူသည် လေကြောင်းရန်ကာကွယ်ရေးတပ်ဖွဲ့ ၏ အရာရှိချုပ် အဖြစ် မှ ၂၀၁၀ ခုနှစ် သြဂုတ် လတွင် အငြိမ်းစားယူပြီး[၅] အထွေထွေရွေးကောက်ပွဲ ၂၀၁၀ ဝင်ပြိုင်သည် ။နေပြည်တော် ဒက္ခိဏသီရိမြို့နယ် မှ နေ၍ ကိုယ်စားလှယ်အဖြစ် ရွေးချယ်ခံရပြီး ဦးသိန်းစိန်အစိုးရအဖွဲ့ တွင် လယ်ဆည်ဝန်ကြီး ဖြစ်လာသည်။[၆] အထွေထွေရွေးကောက်ပွဲ ၂၀၁၅ [၇]နှင့် အထွေထွေရွေးကောက်ပွဲ ၂၀၂၀ [၈]တို့တွင် အဆိုပါ မဲဆန္ဒနယ်မှ နေ၍ ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီကိုယ်စားပြု ဝင်ပြိုင်သော်လည်း ရှုံး နိမ့်သည်။သူသည် ၂၀၁၅ ခုနှစ် နောက်ပိုင်း မိခင်ပါတီ တွင်ပင် သဘောထားတင်းမာသော နိုင်ငံရေးသမားအဖြစ် ဖြတ်သန်းခဲ့သည်။[၉] ပါတီ၏ နေပြည်တော်တာဝန်ခံ ၊တောင်သူလယ်သမားရေးရာဌာနကြီးမှူး အဖြစ်လည်း တာဝန်ပေးခံရကာ ၂၀၂၄ ခုနှစ် မတ်လ တွင် ပါတီနိုင်ငံရေး မှ နှုတ်ထွက်ခဲ့သည်။
ထိန်းသိမ်းခံရခြင်း
ပြင်ဆင်ရန်သူ့ကို နိုင်ငံတော်စီမံအုပ်ချုပ်ရေးကောင်စီ က ၂၀၂၄ ခုနှစ် ဧပြီ ၁၀ ရက် တွင် အဂတိလိုက်စားမှုဖြင့် ဖမ်းဆီးထိန်းသိမ်းသည်။[၁၀] [၁၁] သူသည် ဝန်ကြီးရာထူး ရထားချိန် ရန်ကုန်မြို့၊ ဒဂုံမြို့သစ်အရှေ့ပိုင်း ရှိ လယ်မြေဧက ၁၇၀၀ ကျော်အား သူနှင့် သမက်ဖြစ်သူတို့၏ အမည်များဖြင့် လယ်မြေလုပ်ပိုင်ခွင့် လျှောက်ထားရယူခဲ့သည်။[၁၂]
ထင်ရှားဖြစ်ရပ်နှင့်ဝေဖန်ခံရမှုများ
ပြင်ဆင်ရန်၎င်း လယ်ဆည်ဝန်ကြီး အဖြစ် တာဝန်ထမ်းဆောင်စဉ် ၂၀၁၂ ခုနှစ် မတ်လ အတွင်းက ပြည်တွင်းထုတ်ဂျာနယ်တစ်စောင် တွင် လွှတ်တော်ကိုယ်စားလှယ်များအား ဦးနှောက်မရှိ၊ စာမတတ် အစရှိသော အင်တာဗျူး ဖြေကြားခဲ့မှု [၁၃] [၁၄] နှင့် ၂၀၁၃ ခုနှစ် ဇန်နဝါရီလ နောက်ဆုံးအပါတ်က ဧရာဝတီတိုင်းဒေသကြီး ဓနုဖြူမြို့နယ် ခရီးစဉ်အတွင်း တောင်သူလယ်သမားများအား အကြွေးကျေအောင် ထမင်းတစ်နပ်လျှော့စားကြဖို့ တိုက်တွန်းစကား ဆိုခဲ့မှုများကြောင့် လူအများ၏ ပြစ်တင်ဝေဖန်ခြင်းကို ခံရသည်။ [၁၅] [၁၆]
ထို့အပြင် သူသည် နိုင်ငံရေးသမားဘဝ ၂၀၂၃ ဖေဖော်ဝါရီ ၂၁ ရက် တွင် နေပြည်တော်၊ ဒက္ခိဏသီရိမြို့နယ် ကြံ့ခိုင်ဖွံ့ဖြိုးရေးပါတီဝင်များအား ဝါးရင်းတုတ်လက်နက်တပ်ဆင်ပွဲကို ပြုလုပ်ခဲ့မှုဖြင့် ပါတီ၏ ပြစ်တင်မှုကို ခံရပြီး[၁၇] [၁၈] တာဝန်မှ နှုတ်ထွက်ခဲ့ရသည်။ [၁၉]
ကိုးကား
ပြင်ဆင်ရန်- ↑ "MANDALAY DIVISION"၊ Alternative Asean Network on Burma။ 15 April 2012 တွင် ပြန်စစ်ပြီး။ Archived from the original on 22 March 2012။
- ↑ ၂.၀ ၂.၁ Kudo, Toshihiro (26 July 2011). "New Government in Myanmar: Profiles of Ministers". Institute of Developing Economies - Japan External Trade Organization.
- ↑ ဦးမြင့်လှိုင် ကြံ့ခိုင်ရေးပါတီကနေ အနားယူဖို့စာတင်ထား။ BBC Burmese (၁၅ မတ် ၂၀၂၃)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ “အရည်အချင်းရှိတဲ့ အစိုးရ၊ သန့်ရှင်းတဲ့ အစိုးရ ဖြစ်အောင် ကြိုးစားပေးမယ်”။ The Irrawaddy (၃၀ အောက်တိုဘာ ၂၀၂၀)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ရွေးကောက်ပွဲအကြို ဒုဗိုလ်ချုပ်ကြီး ၁ဝ ဦး အငြိမ်းစား ယူမည်။ BNI (၂၀ ဩဂုတ် ၂၀၂၀)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ အစိုးရသစ် လူဟောင်းများ အဓိကပါဝင်။ VOA Burmese (၉ ဖေဖော်ဝါရီ ၂၀၁၁)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ဝန်ကြီး ဦးမြင့်လှိုင် နေပြည်တော်တွင် မဲဆွယ်စည်းရုံး (ဓာတ်ပုံ)။ DVB (၂၃ စက်တင်ဘာ ၂၀၁၅)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ပြည်ခိုင်ဖြိုးရုံးချုပ်ရှိရာ နေပြည်တော် ဒက္ခိဏသီရိတွင် NLD ကို ထပ်မံအရေးနိမ့်။ Myanmar Now (၉ နိုဝင်ဘာ ၂၀၂၀)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ လယ်ဆည်ဝန်ကြီးဟောင်း ဦးမြင့်လှိုင်က အစိုးရကို ပုတ်ခတ်သည့်စာများ ဖြန့်ဝေ။ Myanmar Now (၂၄ ဇူလိုင် ၂၀၂၀)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ထမင်းတနပ်လျှော့စားခိုင်းသည့် ဒုဗိုလ်ချုပ်ကြီးဟောင်း မြင့်လှိုင် ဖမ်းဆီးခံရ။ DVB (၁၀ ဧပြီ ၂၀၂၄)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ကျားဖြန့်မီးပွား ကြံ့ခိုင်ရေးပါတီထံ ကူးစက်။ Myanmar Now (၁၀ ဧပြီ ၂၀၂၄)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ထောင် ၁၅ နှစ်ချနိုင်သည့် အမှုဖြင့် ဝန်ကြီးဟောင်း ဦးမြင့်လှိုင်ကို စစ်ကောင်စီအမှုဖွင့်။ Myanmar Now (၁၂ ဧပြီ ၂၀၂၄)။ ၁၂ ဧပြီ ၂၀၂၄ တွင် ပြန်စစ်ပြီး။
- ↑ လယ်/ဆည် ဝန်ကြီး ဦးမြင့်လှိုင်ကို လွှတ်တော်အမတ်များ အရေးယူမည်။ The Irrawaddy (၂၆ မတ် ၂၀၁၂)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ လယ်/ဆည်ဝန်ကြီး လွှတ်တော်ကိုတောင်းပန်ရန် အမတ်များတောင်းဆို။ VOA Burmese (၂၃ မတ် ၂၀၁၂)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ထမင်းတနပ်လျော့စားလို့ လယ်သမားတွေ အကြွေးဆပ်နိုင်မလား။ BBC Burmese (၆ ဖေဖော်ဝါရီ ၂၀၁၃)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ လယ်သမားတွေ အကြွေးကျေအောင် ထမင်းလျှော့စားဖို့ ဝန်ကြီး ဦးမြင့်လှိုင် တိုက်တွန်း။ VOA Burmese (၃၁ ဇန်နဝါရီ၊ ၂၀၁၃)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ နေပြည်တော်မှာ ကြံ့ခိုင်ရေးပါတီဝင်တွေကို လက်နက်ပေးအပ်ပွဲဆိုပြီး ဝါးချွန်တွေထုတ်ပေး။ BBC Burmese (၂၈ ဖေဖော်ဝါရီ ၂၀၂၃)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ ပါတီဝင်များကို ဝါးရင်းတုတ်များ ကြံ့ဖွံ့ တပ်ဆင်။ The Irrawaddy (၁ မတ် ၂၀၂၃)။ ၁၁ ဧပြီ ၂၀၂၄ တွင် ပြန်စစ်ပြီး။
- ↑ လယ်ယာစိုက်ပျိုးရေးနဲ့ ဆည်မြောင်းဝန်ကြီးဟောင်း ဦးမြင့်လှိုင် ဖမ်းဆီးခံရ။ RFA Burmese (၁၀ ဧပြီ ၂၀၂၄)။ ၁၁ ဧပြီ ၂၀၂၄ တွင် ပြန်စစ်ပြီး။