ဝီကီပီးဒီးယား:ထင်ရှားအရေးပါမှု

ထင်ရှားအရေးပါမှု
သီးခြား လမ်းညွှန်ချက်များ
Academics နက္ခတ္တဗေဒဆိုင်ရာ အရာဝတ္ထုများ စာအုပ်များ ဖြစ်ရပ်များ ရုပ်ရှင်ဇာတ်ကားများ ပထဝီဝင် အင်္ဂါရပ်များ ဂီတ နံပါတ်များ အဖွဲ့အစည်းများနှင့် ကုမ္ပဏီများ လူပုဂ္ဂိုလ်များ အားကစားနည်းများနှင့် အားကစားသမားများ ဝဘ်အကြောင်းအရာ

ဝီကီပီးဒီးယားပေါ်တွင် ထင်ရှားအရေးပါမှု ဆိုသည်မှာ ပေးထားသည့် အကြောင်းအရာခေါင်းစဉ်တစ်ခုသည် ယင်း၏ ဆောင်းပါးအတွက် မည်မျှ ကျိုးကြောင်းခိုင်လုံစေသည်ဟူသော အချက်ကို တည်းဖြတ်သူများက ဆုံးဖြတ်သည့် စမ်းသပ်မှုတစ်ခုပင် ဖြစ်သည်။

ဝီကီပီးဒီးယားပေါ်ရှိ အချက်အလက်များသည် စိစစ်အတည်ပြုခံနိုင်မှု ရှိရမည်ဖြစ်သည်။ အကယ်၍ အကြောင်းအရာတစ်ခုအတွက် third-party ရင်းမြစ်များ မရှိခဲ့ပါက ယင်းအကြောင်းအရာအတွက် သီးခြားဆောင်းပါးတစ်ခု မရှိသင့်သေးပေ။ ထင်ရှားအရေးပါမှုအတွက် ဝီကီပီးဒီးယား၏ သဘောထားအမြင်သည် ဤအခြေခံစံနှုန်းပေါ်တွင် မူတည်နေပြီး အကြောင်းအရာများတွင် လက်လွတ်စပယ် ပါဝင်နေခြင်းကို ရှောင်ရှားနိုင်ရန် ဖြစ်သည်။ ဆောင်းပါးများသည် ထင်ရှားအရေးပါမှု သို့မဟုတ် "သတိပြုမိထိုက်လောက်အောင်" ရှိနေရမည်ဖြစ်သည်။ ထင်ရှားအရေးပါမှုကို ဆုံးဖြတ်ရာတွင် ဂုဏ်သတင်းကြီးခြင်း၊ အရေးပါခြင်း၊ သို့မဟုတ် လူကြိုက်များခြင်း စသည့်အချက်များပေါ်တွင် သေချာပေါက် မှီခိုနေသည် မဟုတ်ပါ။

အကြောင်းအရာတစ်ခုသည် အောက်ပါအချက်များ ရှိပါက ဆောင်းပါးတစ်ခုရှိရန် ထိုက်တန်သည်။

1. အောက်တွင် ဖော်ပြထားသည့် ယေဘုယျ ထင်ရှားအရေးပါမှု လမ်းညွှန်ချက်များ သို့မဟုတ် သီးခြားဖွင့်ဆိုထားသည့် လမ်းညွှန်ချက်များနှင့် ကိုက်ညီနေခြင်း၊ နှင့်
2. ဝီကီပီးဒီးယားက ဘာမဟုတ်ဘူးလဲ မူဝါဒနှင့် သွေဖယ်မှု မရှိခြင်း။

ဤသည်မှာ အကြောင်းအရာတစ်ခုသည် သီးခြားဆောင်းပါးတစ်ပုဒ်အနေဖြင့် ရှိနေသင့်သည်ဟူသော အချက်ကို အာမခံထားခြင်း မဟုတ်ပါ။ တည်းဖြတ်သူများသည် သူတို့၏ လိမ္မာပါးနပ်မှုကို အသုံးချ၍ ပေါင်းစပ်ခြင်း သို့မဟုတ်၊ နှစ်ခု သို့မဟုတ် ထို့ထက်ပိုသော ဆက်စပ်သည့် ခေါင်းစဉ်များကို အုပ်စုဖွဲ့ကာ ဆောင်းပါးတစ်ခုတည်းအဖြစ် ပေါင်းစပ်ခြင်းများ ပြုလုပ်နိုင်သည်။ အောက်ပါ လမ်းညွှန်ချက်များသည် အကြောင်းအရာတစ်ခုအတွက် သီးခြားဆောင်းပါး သို့မဟုတ် စာရင်းဆောင်းပါး အဖြစ် သင့်လျော်သည်ကို ထုတ်နှုတ်ပြသထားမည် ဖြစ်သည်။ ယင်းတို့သည် ဆောင်းပါးတစ်ခု သို့မဟုတ် စာရင်းဆောင်းပါးတစ်ခု၏ ပါဝင်အကြောင်းအရာကို ကန့်သတ်ထားမည် မဟုတ်ပါ။ ဝီကီပီးဒီးယား၏ မူဝါဒဆိုင်ရာ အကြောင်းအရာအတွက် ဘက်မလိုက်သော အမြင်၊ စိစစ်အတည်ပြုခံနိုင်မှု၊ ကိုယ်တိုင် ထုတ်ဖော်ထားသော သုတေသနများ၊ ဝီကီပီးဒီးယားက ဘာမဟုတ်ဘူးလဲ၊ နှင့် သက်ရှိပုဂ္ဂိုလ်များ၏ အတ္ထုပ္ပတ္တိတို့တွင် ဖတ်ရှုပါ။

ထင်ရှားအရေးပါမှုအတွက် ယေဘုယျ လမ်းညွှန်ချက်

အကယ်၍ အကြောင်းအရာ တစ်ခုသည် အကြောင်းအရာနှင့် မဆက်စပ်ဘဲ သီးခြားတည်ရှိနေသော ခိုင်လုံသော အရင်းအမြစ်များမှ သိသာထင်ရှားသော ဖော်ပြမှု ရှိသည်ဆိုပါက ထို အကြောင်းအရာသည် ဆောင်းပါးတစ်ခု သို့မဟုတ် စာရင်းတစ်ခု အဖြစ် သီးခြားဖော်ပြရန် လုံလောက်သည်ဟု သတ်မှတ်သည်။

• "သိသာထင်ရှားသော ဖော်ပြမှု" မှ ထိုအကြောင်းအရာအား တိုက်ရိုက်ရည်ညွှန်း၍ အသေးစိတ် ဖော်ပြသဖြင့် အတွင်းစာသားများကို ထုတ်နှုတ်ဖော်ပြရန်အတွက် ကိုယ်တိုင် သုတေသနပြု ရေးသားရန် မလိုအပ်ပါ။ သိသာထင်ရှားသော ဖော်ပြမှုသည် သမန်ကာ လျှံကာ ဖော်ပြမှု ထက် ပိုသော်လည်း ကိုးကားထားသော အရင်းအမြစ်၏ အဓိက ခေါင်းစဉ် ဖြစ်ရန် မလိုအပ်ပါ။
  • ရောဘတ်ဆိုဘဲ၏ စာအုပ်တစ်အုပ်စာ ရေးသားထားသော အိုင်ဘီအမ်၏ သမိုင်းကြောင်းသည် အိုင်ဘီအမ်အကြောင်းကို သမန်ကာလျှံကာ မဟုတ်သော ဖော်ပြမှု ဖြစ်သည်။
  • မာတင်ဝေါ့ကာ၏ သတင်းစာဆောင်းပါး အတွင်း ဖော်ပြထားသည့် ဘီလ် ကလင်တန်အကြောင်းတွင် ပါဝင်သည့် "အထက်တန်းကျောင်းတွင် သူသည် ကြွက်မျက်ကန်းသုံးကောင် အမည်ရသည့် ဂျက်ဇ်ဂီတ တီးဝိုင်းတွင် ပါဝင်ခဲ့သည်။" ဆိုသော စာသားသည် ထိုတီးဝိုင်းအကြောင်းကို သမန်ကာလျှံကာ ဖော်ပြမှု ဖြစ်သည်။
• "ခိုင်လုံသော" ဟူသော စကားရပ်၏ အဓိပ္ပာယ်မှာ ကိုးကားထားသော အရင်းအမြစ်သည် ထင်ရှားအရေးပါမှုကို အကဲဖြတ်နိုင်ရန်အတွက် ခိုင်လုံသော အရင်းအမြစ် လမ်းညွှန်ချက်နှင့် အညီ မှန်ကန်ကြောင်းကိုပြနိုင်သော လုံလောက်သည့် တည်းဖြတ်မှုပိုင်းဆိုင်ရာ ရိုးသားမှုရှိရန် လိုအပ်သည်။ အရင်းအမြစ် ဆိုရာတွင် မည်သည့် ဘာသာစကား မည်သည့်ပုံစံနှင့် မဆို ထုတ်ဝေဖြန့်ချိထားသော ထုတ်ဝေမှု မီဒီယာများ အားလုံးပါဝင်သည်။ ထိုအကြောင်းအရာအတွက် အခြားသော အရင်းအမြစ်များမှ ဖော်ပြထားခြင်းသည်လည်း ထင်ရှားအရေးပါမှုကို စမ်းသပ်ရန်အတွက် ကောင်းမွန်သော အချက်တစ်ခု ဖြစ်သည်။
• "အရင်းအမြစ်" များတွင် သတင်းစာ၊ စာအုပ်၊ အီလက်ထရွန်းနစ် စာအုပ်၊ မဂ္ဂဇင်း၊ ရုပ်မြင်သံကြား နှင့် ရေဒီယို မှတ်တမ်းများ ၊ အစိုးရ အေဂျင်စီများ၏ အစီရင်ခံစာများ နှင့် ဘာသာရပ်ဆိုင်ရာ ဂျာနယ်များ ပါဝင်သည်။ အကယ်၍ အရင်းအမြစ် တစ်ခုထက်ပို၍ ပြသရန် မရှိပါက ကိုးကားထားသော အရင်းအမြစ်သည် ဘက်မလိုက်သော အမြင်ဖြင့် ရေးသားထား၍ ယုံကြည်ထိုက်သော အရင်းအမြစ်ဖြစ်ပြီး ဆောင်းပါးတစ်ခု ပြည့်စုံစွာ ရေးသားနိုင်ရန်အတွက် လုံလောက်သော အသေးစိတ် အချက်အလက်များ ပါဝင်ရမည်။ "အရင်းအမြစ်" များတွင် အရည်အသွေး နှင့် ဖော်ပြမှု အတိုင်းအတာ ကွဲပြားသဖြင့် အရင်း မည်မျှ ပါဝင်ရမည်ဟု တိကျသော လိုအပ်ချက် မရှိသော်လည်း တစ်ခုထက်ပိုသော အရင်းအမြစ်များကို မျှော်လင့်ထားသည်ကို သတိချပ်ရမည်။ "အရင်းအမြစ်" သည် အွန်လိုင်းတွင် ရှိနေရန် မဖြစ်မနေ မလိုအပ်သကဲ့သို့ အင်္ဂလိပ်ဘာသာဖြင့် ရေးသားထားရန်လည်း မဖြစ်မနေ မလိုအပ်ပါ။ စာရေးသူ တစ်ဦးတည်း သို့မဟုတ် အဖွဲ့အစည်း တစ်ခုတည်းမှ မြောက်များစွာ ထုတ်ဝေထားသော ထုတ်ဝေမှုများသည် ထင်ရှားအရေးပါမှုကို ဆုံးဖြတ်ရာတွင် တစ်ခုတည်းသော အရင်းအမြစ် အဖြစ် ပုံမှန်အားဖြင့် ယူဆလေ့ ရှိသည်။
• "အကြောင်းအရာနှင့် မဆက်စပ်ဘဲ သီးခြားတည်ရှိနေသော" ဟု ဆိုရာတွင် ဆောင်းပါးခေါင်းစဉ်တွင် ဖော်ပြထားသော အရာ သို့မဟုတ် ၎င်းနှင့် ဆက်စပ်နေသော အရာများမှ ထုတ်ဝေထားသော ထုတ်ပြန်မှုများကို ထည့်သွင်းစဉ်းစားခြင်း မပြုပေ။ ဥပမာအားဖြင့် ကြော်ငြာများ၊ သတင်းထုတ်ပြန်ချက်များ၊ ကိုယ်တိုင်ရေး ရာဇဝင်များ နှင့် ခေါင်းစဉ်ပါ အကြောင်းအရာ၏ အင်တာနက်စာမျက်နှာတို့သည် အကြောင်းအရာနှင့် မဆက်စပ်ဘဲ သီးခြားတည်ရှိနေသည်ဟု မယူဆပါ။

အကယ်၍ အကြောင်းအရာတစ်ခုသည် ဤသတ်မှတ်ချက်များနှင့် ကိုက်ညီမနေသော်လည်း စိစစ်အတည်ပြုနိုင်သော အချက်အလက်များ ရှိနေပါက ယင်းအကြောင်းအရာကို အခြား ဆောင်းပါးအတွင်းတွင် ထည့်သွင်းဆွေးနွေးခြင်းက ပိုမို အသုံးဝင်နိုင်ပါသည်။

ထင်ရှားအရေးပါမှုအတွက် လမ်းညွှန်ချက်သည် ဆောင်းပါးအတွင်းမှ အတွင်းစာသားများနှင့် မပတ်သက်ပါ

ဆောင်းပါးတစ်ပုဒ်ကို ဖန်တီးခြင်း သို့မဟုတ် ဆက်လက်ထိန်းသိမ်းထားခြင်းအတွက် သတ်မှတ်ချက်များသည် ယင်းဆောင်းပါးတွင် ပါဝင်သော အတွင်းစာသားများအတွက် သတ်မှတ်ချက်များနှင့် မတူညီပါ။ ထင်ရှားအရေးပါမှု လမ်းညွှန်ချက်များသည် ဆောင်းပါး သို့မဟုတ် စာရင်းများ၏ အတွင်းစာသားများအတွက် အကျုံးမဝင်ပါ။ ပေးထားသော ဆောင်းပါး သို့မဟုတ် စာရင်းတစ်ခု၏ အကြောင်းအရာလွှမ်းခြုံမှုကို due weight နှင့် အခြားသော ပါဝင်အကြောင်းအရာ မူဝါဒများတို့နှင့် ထိန်းသိမ်းသည်။ စာရင်းဆောင်းပါးများအတွက် နောက်ထပ် အချက်အလက်များကို စာရင်းများ၏ ထင်ရှားအရေးပါမှု နှင့် စာရင်း ရွေးချယ်မှု သတ်မှတ်ချက်များတွင် ကြည့်ပါ။

ဆောင်းပါးအတွင်းမှ အတွင်းစာသားများသည် ထင်ရှားအရေးပါမှုအတွက် အဆုံးအဖြတ်မပေးပါ

ထင်ရှားအရေးပါမှု ဆိုသည်မှာ ဆောင်းပါးခေါင်းစဉ်အတွက်သာ ဖြစ်ပြီး ဆောင်းပါးကို ဆိုလိုခြင်း မဟုတ်ပါ။ အကယ်၍ ဆောင်းပါး အကြောင်းအရာသည် ဝီကီပီးဒီးယားပြင်ပတွင် ဖော်ပြခံရခြင်း မရှိပါက ဝီကီပီဒီးယားအတွင်း ရေးသားထားသော အကြောင်းအရာများကို မည်၍မည်မျှပင် ကောင်းမွန်အောင် ရေးသားစေကာမူ ထင်ရှားအရေးပါမှု ဖြစ်လာမည် မဟုတ်ပါ။ အခြားတစ်ဘက်က ကြည့်လျှင် အကယ်၍ ပြင်ပအရင်းအမြစ်များ ရှိပါက ဝီကီပီဒီးယား ဆောင်းပါးကို မည်မျှပင် စုတ်ပြတ်အောင် ရေးသားထားစေကာမူ ဝီကီပီးဒီးယားအတွင်း ရည်ညွှန်းမှုသည် အကြောင်းအရာ၏ ထင်ရှား အရေးပါမှုကို လျော့ပါးသွားစေလိမ့်မည် မဟုတ်ပေ။