အမှတ်(၁) အခြေခံပညာ အထက်တန်းကျောင်း၊ လသာမြို့နယ် သည် အမှတ် (၂၇၀) ၊ ဗိုလ်ချုပ်အောင်ဆန်းလမ်းနှင့်ရွှေတိဂုံဘုရားလမ်းထောင့် ၊ လသာမြို့နယ်ရန်ကုန်တိုင်းဒေသကြီးတွင် တည်ရှိသော အစိုးရအထက်တန်းကျောင်းဖြစ်သည်။

  • ရန်ကုန်ဟိုက်စကူးကျောင်း(Yangon High School)ဟူ၍၎င်း၊
  • ရန်ကုန်အစိုးရအထက်တန်းကျောင်း (Yangon Government High School)ဟူ၍၎င်း၊
  • စင်ထရယ်အထက်တန်းကျောင်း(Central High School) ဟူ၍၎င်း၊
  • ဗဟိုစံပြအထက်တန်းကျောင်း(Baho Sanpya High School) ဟူ၍၎င်း၊
  • ယခု အ.ထ.က ၁ လသာ(B.E.H.S 1 LATHA) ဟူ၍၎င်း နာမည်(၅)မျိုး ရှိခဲ့သည်။
အ.ထ.က (၁) လသာ
1 latha BEHS.png
အမှတ်(၁) အခြေခံပညာအထက်တန်းကျောင်း ၊ လသာမြို့နယ်
လိပ်စာ
အမှတ်(၂၇၀) ၊ ဗိုလ်ချုပ်အောင်ဆန်းလမ်းနှင့် ရွှေတိဂုံဘုရားလမ်းထောင့် ၊ လသာမြို့နယ် ၊
ရန်ကုန်တိုင်းဒေသကြီး
သတင်းအချက်အလက်
အမျိုးအစားအစိုးရအထက်တန်းကျောင်း
ဆောင်ပုဒ်သီလ သမာဓိ ပညာ
တည်ထောင်၁၈၇၁ ခုနှစ် ၊ မတ်လ ၃ ရက်
ကျောင်းအမှတ်(၁)
ကျောင်းအုပ်ကြီးဦးတင်မောင်အေး
အတန်းများသူငယ်တန်း မှ ဒသမတန်း အထိ
ကျောင်းသား/သူဦးရေ၂၀၀၀ ခန့်
ရွေးချယ်သတ်မှတ်ခြင်းများ

သမိုင်းကြောင်းပြင်ဆင်

အ.ထ.က ၁ လသာ ကျောင်းသည် အင်္ဂလိပ်အစိုးရတို့ အောက်မြန်မာပြည်ကို သိမ်းပိုက်ပြီးချိန်တွင် မြန်မာနိုင်ငံအတွက် ပထမဦးဆုံးတည်ထောင်ဖွင့်လှစ်ပေးသော အစိုးရအထက်တန်းကျောင်းဖြစ်သည်။[ကိုးကားချက်လိုသည်] ၁၈၇၁ ခုနှစ်၊ မတ်လ ၃ ရက်နေ့တွင် ဤကျောင်းကို ရန်ကုန်အစိုးရအထက်တန်းကျောင်း (Yangon Government High School) အမည်ဖြင့် စတင်တည်ထောင်ခဲ့သည်။ ၁၈၇၄ ခုနှစ်၊ မတ်လ ၂ ရက်နေ့တွင် စတင်ဖွင့်လှစ်သည်။စတင်ဖွင့်လှစ်ချိန်တွင် ကျောင်းအုပ်ကြီးအဖြစ် ပထမဦးဆုံးဆောင်ရွက်ခဲ့သည့်ပုဂ္ဂိုလ်မှာ Mr.ဂီလ်ဘတ်(Mr.Gilbert) ဖြစ်သည်။ ထို့ပြင် ရန်ကုန်ကောလိပ်ကို ၁၉၀၀ပြည့်နှစ်၌ အထက ၁ လသာတွင် ဦးစွာဖွင့်လှစ်ခဲ့သည်။စင်ထရယ်ကျောင်းစတင်ဖွင့်လှစ်ချိန်မှစ၍အချိန်အတော်အကြာထိအမျိုးသားသီးသန့်ကျောင်းဖြစ်ခဲ့သည်။များမကြာမီဆယ်စုနှစ်ကာလမှသာကျောင်းသူများပါပညာသင်ကြားခွင့်ရရှိခြင်းဖြစ်သည်။

ကျောင်းဆောင်များပြင်ဆင်

ကျောင်း၏အရှေ့ဆောင်ပုံသဏ္ဌာန်မှာ အင်္ဂလိပ်အက္ခရာ အီး(E) ပုံဖြစ်သည်။ ကျောင်း၏ အနောက်ဆောင်ပုံသဏ္ဌာန်မှာ မြန်မာအက္ခရာ ဂငယ်(ဂ)ပုံဖြစ်သည်။ သူငယ်တန်း(KG) မှ ဒသမတန်း(G-11) အထိ ပညာသင်ကြားနိုင်သည်။ ကျောင်းသား၊ ကျောင်းသူပေါင်းနှစ်ထောင်(၂,၀၀၀)ခန့်နှင့် ဆရာ၊ ဆရာမပေါင်းခြောက်ဆယ်(၆၀)ခန့် ရှိသည်။ အထက ၁ လသာကျောင်းတွင် စာသင်ဆောင်နှစ်ဆောင်၊ ဗဟိုစံပြခန်းမ၊ သိပ္ပံဆောင်တစ်ဆောင်၊ စာကြည့်တိုက်နှစ်ဆောင်၊ ကွန်ပျူတာခန်းတစ်ခန်း၊ Language Lab တစ်ခန်း၊ ဘုရားခန်း၊ ကျောင်းဘောလုံးကွင်းတစ်ကွင်း၊ အောင်တံခွန်ဖူဆယ်ဘောလုံးကွင်းတစ်ကွင်း၊ မုန့်ဈေးတန်းတစ်ဆောင် နှင့် ဗဟိုစံပြဓမ္မာရုံတို့ ပါဝင်သည်။

အထက ၁ လသာ ၏ မျက်နှာစာရှိ ပင်မနှစ်ထပ်ကျောင်းဆောင်ကြီးအား ကျောင်းသားဟောင်းဖြစ်သူ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် နှင့်တပ်မတော်မိသားစုဝင်များ၊ ကျောင်းသားဟောင်းများ၊အလှူရှင်များ မှစုပေါင်းမတည်ကာ ငွေကျပ်သိန်းလေးထောင်ခန့် အကြီးစားပြုပြင်မွမ်းမံခဲ့ပြီး ၂၀၁၅ ခုနှစ် ၊ စက်တင်ဘာလ ၄ ရက်နေ့တွင် ကျောင်းအုပ်ဆရာကြီးထံသို့ အောင်မြင်စွာလွှဲပြောင်းပေးအပ်ခဲ့သည်။

ထို့ပြင် အထက ၁ လသာ ၏ မီးလောင်၍ပျက်စီးသွားသော နဂိုမူလကျောင်းဆောင်နေရာ၌ လေးထပ်ကျောင်းဆောင်သစ်ကြီးအား စင်ထရယ်ကျောင်းသားဟောင်းဖြစ်သူ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်မှ မတည်ကာ စေတနာရှင်အလှူရှင်များ၊ကျောင်းသားဟောင်းများမှစုပေါင်း၍ ငွေကျပ်သိန်းပေါင်းတစ်သောင်းခန့်လှူဒါန်းကာဆောက်လုပ်ပြီးကာ ၂၀၁၇ ခုနှစ်၊ ဒီဇင်ဘာလ ၂၅ ရက်နေ့တွင်ပညာရေးဝန်ကြီးဌာနသို့ လွှဲ​ပြောင်းပေးအပ်ခဲ့သည်။

၁၉၆၅ ခုနှစ်မှ ၁၉၈၅ ခုနှစ် ပညာသင်နှစ် နှင့် ၁၉၈၆ခုနှစ်နောက်ပိုင်းပညာသင်နှစ် တွင်ပညာသင်ကြားခဲ့ကြသော ကျောင်းသား/သူဟောင်းကြီးများအဖွဲ့သည် ကျောင်းတော်ကြီးအား ယခုလက်ရှိတိုင် လိုအပ်သည်များကို ပြုပြင်မွမ်းမံပေးလျက်ရှိသည်။

ကျောင်းအုပ်ကြီးများပြင်ဆင်

  1. စည်သူ ဦးချို(၁၉၃၀-၁၉၃၅)
  2. ပညာမင်းကြီး စည်သူဦးကောင်း(၁၉၃၅-၁၉၄၀)
  3. သင်္ချာပါရဂူ ဝဏ္ဏကျော်ထင် ဦးဘသန်းတင်
  4. ဒေါ်လှနု (၁၉၆၇-၁၉၇၃)
  5. ဦးဘသောင်းတင် (၁၉၇၃-၁၉၈၁)
  6. ဦးအေးသိန်း (၁၉၈၁-၁၉၈၈)
  7. ဦးတင်ရွှေ (၁၉၈၈-၁၉၈၉)
  8. ဦးတိုးမောင် (၁၉၈၉-၁၉၉၀)
  9. ဦးတင်ထွန်း (၁၉၉၂-၂၀၀၀)
  10. ဦးအုန်းမြင့် (၂၀၀၀-၂၀၀၃)
  11. ဦးစိုးမြင့် (၂၀၀၅-၂၀၁၀)
  12. ဦးစိုးမင်း (၂၀၁၀-၂၀၁၇)
  13. ဦးတင်မောင်အေး (၂၀၁၇-ယခုလက်ရှိ)

ထင်ရှားသော ကျောင်းသားဟောင်းများပြင်ဆင်

ကိုးကားပြင်ဆင်

  • အ.ထ.က ၁ လသာ ကျောင်းသားဟောင်းများ၏ အမှတ်တရမဂ္ဂဇင်း ၊
  • အ.ထ.က ၁ လသာ ကျောင်းသမိုင်း