အရှေ့တစ်ဝက်ပိတ်အဝိုင်းသရ

အရှေ့တစ်ဝက်ပိတ်အဝိုင်းသရ (အင်္ဂလိပ်: close-mid front rounded vowel သို့ high-mid front rounded vowel) သည် အပြောဘာသာစကားများစွာတွင် အသုံးပြုသော သရသံ အမျိုးအစားများထဲက ပုံစံတစ်ခုဖြစ်၍ နိုင်ငံတကာသဒ္ဒဗေဒအက္ခရာတွင် ⟨ø⟩ (အေ) သင်္ကေတဖြင့်ပြသည်။ အိုင်ပီအေအမည်အားဖြင့် slashed O ဟူ၍ ခေါ်ဝေါ်ကြသည်။[၁] အင်္ဂလိပ်အက္ခရာ အို၏ အသေးစကားလုံးကို ထောင့်ဖြတ်မျဉ်းဖြင့် ပိုင်းထားသည့်ပုံစံဖြစ်ကာ[၂] ဒိန်းမတ်၊ နော်ဝေး၊ ဖဲရိုးကျွန်းစု ဘာသာစကားများမှ ငှားယူထားသည့် အက္ခရာဖြစ်၏ ။ ဤသင်္ကေတကို အင်္ဂလိပ်ဘာသာ၌ "o, slash" (အို၊ မျဉ်းစောင်း) ဖြင့် ရည်ညွှန်းကြသည်။ ၎င်းနှင့်ကပ်လျှက်ရှိသော ⟨e⟩ (အေ) အသံထွက်ရှိပုံနှင့် နီးစပ်ကာ နှုတ်ခမ်းကို ဝိုင်း၍ထွက်ရသည်။[၁][၃]

close-mid front rounded vowel
ø
IPA Number310
Encoding
Entity (decimal)ø
Unicode (hex)U+00F8
X-SAMPA2
Braille⠳ (braille pattern dots-1256)

အင်္ဂါရပ်များပြင်ဆင်

  • ယခုဖော်ပြပါ [ø] သရ၌ လျှာသည် ခံတွင်း၌ အပိတ်သရနှင့် တစ်ဝက်သရ ကြားနေရာတွင်ရှိသည်။
  • လျှာ၏ ရှေ့နောက် အနေအထား၌ လျှာသည် ခံတွင်း၏ အရှေ့ဖက်သို့ ရောက်ရှိနေသည်။ သို့သော် ဗျည်းသံဖြစ်ပေါ်သည်အထိ ပိတ်ဆို့လိုက်ခြင်းမပြုရချေ။ အရှေ့အဝိုင်းသရများသည် အများအားဖြင့် အလယ် (သို့) အရှေ့နီးပါးသရများ ဖြစ်လေ့ရှိကြသည်။
  • အဝိုင်းသရဟူ၍ ခေါ်ဆိုရာ၌ နှုတ်ခမ်းကို ဝိုင်း၍ ချပ်ကာ (compressed) ထွက်ရှိသည်။ နှုတ်လမ်းသားအစွန်းများသည် တင်းတင်းရင်းရင်းဖြင့် ဆွဲယူ၍ ချပ်ချပ်ကပ်ကပ်ပုံစံဖြစ်ကာ နှုတ်ခမ်း၏ အတွင်းသားများ မပေါ်လွင်စေရပါ။

ကိုးကားပြင်ဆင်

  1. ၁.၀ ၁.၁ IPAcharts
  2. IPA symbols and definitions with information about their Unicode characters. International Phonetics Association
  3. Handbook of the international Phonetic Association, Cambridge University Press, p- 12,13