အနောက်တစ်ဝက်ဖွင့်အပြန့်သရ

အနောက်တစ်ဝက်ဖွင့်အပြန့်သရ (အင်္ဂလိပ်: open-mid back unrounded vowel) သည် အပြောဘာသာစကားအချို့တို့တွင် အသုံးပြုသည့် သရသံအမျိုးအစားတစ်ခုဖြစ်၍ နိုင်ငံတကာသဒ္ဒဗေဒအက္ခရာတွင် ဤသရသံကို အက္ခရာ ဗီ (v) ၏ ပြောင်းပြန်လှန်ပုံစံ (သို့ရာတွင် အက္ခရာ ⟨ᴀ⟩ ကို အလယ်မှဖြတ်သည့်မျဉ်းတိုမပါရှိသည့်ပုံစံအနေဖြင့် တည်ဆောက်ထားခြင်းဖြစ်သည်။) ⟨ʌ⟩ ဟုကိုယ်စားပြုဖော်ပြထားသည်။ ဤသရသင်္ကေတရော အသံကိုပါ ပုံမှန်အားဖြင့် သပ်ပုံစံ၊ ကာရာ့အမှတ် (caret) ၊ ဦးထုပ် အဖြစ်ညွှန်းဆိုခေါ်ဝေါ်ကြသည်။ အင်္ဂလိပ်ဘာသာစကားတွင် အလယ်အဖွင့်နီးပါးအပြန့်သရအတွက် ဤသင်္ကေတကို အက္ခရာဖလှယ်၍ အသုံးပြုကြသည်။ ဒိန်းမတ်ဘာသာစကားတွင် ဤသင်္ကေတကို အနောက်အဖွင့်အဝိုင်းသရ အတွက် အက္ခရာဖလှယ်အသုံးပြုကြသည်။

open-mid back unrounded vowel
ʌ
IPA Number	314
Encoding
Entity (decimal)	ʌ
Unicode (hex)	U+028C
X-SAMPA	V
ပုံ

IPA: Vowels

	အရှေ့	အလယ်	အနောက်
အပိတ်	i y	ɨ ʉ	ɯ u
အပိတ်နီးပါး	ɪ ʏ		ʊ
တစ်ဝက်ပိတ်	e ø	ɘ ɵ	ɤ o
တစ်ဝက်	e̞ ø̞	ə	ɤ̞ o̞
တစ်ဝက်ဖွင့်	ɛ œ	ɜ ɞ	ʌ ɔ
အဖွင့်နီးပါး	æ	ɐ
အဖွင့်	a ɶ	ä	ɑ ɒ

---

• IPA အကူအညီ
•  အသံ
• ဇယားကွက် အပြည့်
• တမ်းပလိတ်

အမည်းစက်၏ဘေးမှ သရများသည်: နှုတ်ခမ်း ဖြန့်ခြင်း • ဝိုင်းခြင်း ဖြစ်သည်။

အင်္ဂါရပ်များ

• တစ်ဝက်ဖွင့်သရ ဆိုသည်မှာ လျှာ၏ နိမ့်မြင့်အနေအထားသည် အဖွင့်သရနှင့် တစ်ဝက်သရ၏ကြား တစ်ဝက်နေရာတွင်တည်ရှိသည်။
• သရ၏ ရှေ့နောက်သဘောအရ အနောက်သရအမျိုးအစားဖြစ်ရာ လျှာသည် ပါးစပ်၏ အနောက်တွင်တည်ရှိကာ ပိတ်ဆို့၍ ဗျည်းသံထွက်သည်အထိမဟုတ်ပေ။ အနောက်အပြန့်သရများသည် အလယ်သရဖက်သို့ တိမ်းတတ်၏ ။ ဆိုလိုသည်မှာ များမကြာခဏဆိုသလို ၎င်းတို့ကို အနောက်နီးပါးသရဟု ပြောလိုရင်းဖြစ်သည်။
• အပြန့်သရများကို ထွက်ရှိရာတွင် နှုတ်ခမ်းကို ဖြန့်၍ ထွက်ရှိကြသည်။